Maharashtra Politics | महाराष्ट्र भाजपचं प्रदेशाध्यक्षपदाची जबाबदारी आल्यानंतर चंद्रशेखर बावनकुळेंची ही पहिलीच निवडणूक आहे. तर आशिष शेलार यांचीही मुंबई अध्यक्षपद मिळाल्यानंतरची पहिली निवडणूक आहे. त्यामुळे शिंदे-फडणवीस सरकारसोबत या दोघांसाठीही अंधेरीतील पोटनिवडणूक हा प्रतिष्ठेचा मुद्दा झाला आहे. गेल्या अडीच वर्षांमध्ये राज्यात झालेली प्रत्येक पोटनिवडणूक भाजपने पूर्ण ताकदीने लढवली आहे. त्यामुळे या निवडणुकीतही भाजप पूर्ण ताकदीने उतरेल.
हायलाइट्स:
- अंधेरीतील ही लढाई ट्रेंडसेटर ठरणार आहे
- अंधेरी पूर्वच्या निवडणुकीत शिवसेना उमेदवाराचा विजय झाल्यास जनमत ठाकरेंच्या बाजूने
आता लक्ष्य अंधेरी पोटनिवडणूक; दसरा मेळावा होताच दोन्ही गटांनी कसली कंबरमहाराष्ट्र भाजपचं प्रदेशाध्यक्षपदाची जबाबदारी आल्यानंतर चंद्रशेखर बावनकुळेंची ही पहिलीच निवडणूक आहे. तर आशिष शेलार यांचीही मुंबई अध्यक्षपद मिळाल्यानंतरची पहिली निवडणूक आहे. त्यामुळे शिंदे-फडणवीस सरकारसोबत या दोघांसाठीही अंधेरीतील पोटनिवडणूक हा प्रतिष्ठेचा मुद्दा झाला आहे. गेल्या अडीच वर्षांमध्ये राज्यात झालेली प्रत्येक पोटनिवडणूक भाजपने पूर्ण ताकदीने लढवली आहे. त्यामुळे या निवडणुकीतही भाजप पूर्ण ताकदीने उतरेल, हे स्पष्ट आहे. राज्यात पुन्हा सत्ता आल्यामुळे भाजपची ताकद कैकपटीने वाढली आहे. याशिवाय, ही पोटनिवडणूक मुंबईत होत असल्याने शिवसेनेशी थेट दोन हात करण्याची संधी चालून आली आहे. अंधेरीची ही पोटनिवडणूक जिंकल्यास मुंबई महानगरापालिका निवडणुकीच्यादृष्टीने वातावरणनिर्मिती करत असलेल्या भाजपला मोठा फायदा होऊ शकतो. याउलट अंधेरी पूर्वच्या निवडणुकीत शिवसेना उमेदवाराचा विजय झाल्यास जनमत ठाकरेंच्या बाजूने असल्याचा संदेश जाऊ शकतो. त्याचा परिणाम भाजपसाठी अत्यंत महत्त्वाच्या असलेल्या मुंबई महापालिका निवडणुकीवरही होऊ शकतो. त्यामुळे भाजपकडून ही पोटनिवडणूक अत्यंत गांभीर्याने घेतली जात आहे.
Andheri Bypoll: अंधेरी पोटनिवडणुकीत ‘हा’ एक फॅक्टर ठरणार गेमचेंजर
ठाकरे-शिंदे गटात धनुष्यबाणासाठी स्पर्धा
अंधेरी पूर्व विधानसभा मतदारसंघातील पोटनिवडणुकीच्या पार्श्वभूमीवर ठाकरे आणि शिंदे गटातील लढाई आणखीनच तीव्र झाली आहे. या पोटनिवडणुकीसाठी शिवसेनेचे धनुष्यबाण हे राखीव चिन्ह कोणाला मिळणार, याविषयी उत्सुकता निर्माण झाली आहे. ठाकरे व शिंदे या दोन्ही गटांकडून धनुष्यबाण या राखीव चिन्हाची मागणी केली गेल्यास ते गोठविण्याचा आदेश आयोगाकडून दिला जाऊ शकतो. अशी परिस्थिती ओढवल्यास शिवसेना ३ नोव्हेंबरला अंधेरीत होणारी पोटनिवडणूक कोणत्या चिन्हावर लढणार, हे पाहावे लागेल. अंधेरी पोटनिवडणुकीचा निकाल ६ नोव्हेंबरला जाहीर होईल.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
