नवी दिल्ली : अमेरिका आणि युरोपमध्ये मंदी येण्याआधीच त्याचा परिणाम दिसू लागला आहे. अमेरिकेची प्रसिद्ध टेक दिग्गज फेसबुक टाळेबंदीच्या तयारीत आहे. एका रिपोर्टनुसार फेसबुकची मूळ कंपनी मेटा सुमारे १२,००० कर्मचाऱ्यांना काढून टाकण्याच्या तयारीत आहे. कंपनीने हे पाऊल अशा वेळी उचलले जेव्हा त्यांचा जाहिरातीतून मिळणारा महसूल कमी झाला आहे. यापूर्वी, दुसऱ्या तिमाहीत अपेक्षेपेक्षा कमी कमाईचा अहवाल समोर आल्यानंतर गुगलने कर्मचाऱ्यांच्या भत्त्यांमध्ये मोठी कपात केली. यासोबतच गुगलमध्ये नवीन भरतीची प्रक्रियाही मंदावली आहे.

जागतिक मंदीचे संकेत! सहा महिन्यांत हजारो लोक बेरोजगार होण्याची शक्यता
व्यवस्थापनाने कर्मचाऱ्यांची नावे मागितली
एका अहवालानुसार मार्क झुकरबर्गने कर्मचाऱ्यांसोबत नुकत्याच झालेल्या बैठकीत टाळेबंदीचे संकेत दिले आहेत. यासाठी व्यवस्थापनाने सर्व टीम लीडर्सना त्यांच्या टीममधील किमान १५ टक्के कर्मचाऱ्यांची नावे देण्यास सांगितले आहे, ज्यांची कामगिरी जास्त चांगली राहिली नाही.

जागतिक मंदीचा भारतीयांवर परिणाम, EPAM ने 100 कर्मचाऱ्यांना कामावरुन काढले
अहवालानुसार, या संभाव्य टाळेबंदीची माहिती मेटाच्या एका कर्मचाऱ्याने ब्लाइंड अॅपवर दिली होती. हे अॅप टेक कंपन्यांच्या कर्मचाऱ्यांमध्ये खूप लोकप्रिय असून यावर कर्मचाऱ्याने सांगितले की, फेसबुक येत्या काही आठवड्यात अनेक लोकांच्या नोकऱ्या हिसकावून घेऊ शकतो. ज्यांची कामगिरी कमकुवत आहे त्यांना या यादीत टाकले जाईल आणि निकाल देण्यासाठी ३० दिवसांचा वेळ दिला जाईल.

मंदीच्या छायेत कमाईची संधी! IT दिग्गज कंपन्या देणार १००% परतावा, गुंतवणुकीची हीच योग्य वेळ
नोकरभरतीही कमी
दरम्यान, मेटाने आधीच सांगितले आहे की ते पुढच्या वर्षी नोकरभरती कमी करेल आणि महत्त्वाच्या प्रकल्पांना व काही नवीन कामांना प्राधान्य देईल. पहिल्या तिमाहीच्या कमाई निकालात कंपनीने सांगितले की यामुळे मागील अंदाजापेक्षा सुमारे ३ बिलियन डॉलरने वार्षिक खर्च कमी होईल. विशेष म्हणजे यापूर्वी वॉल स्ट्रीट जनरलनेही एका अहवालात म्हटले की मेटा काही महिन्यांत किमान १० टक्के खर्च कमी करणार असून यासाठी कंपनी सर्व विभागांमध्ये पुनर्गठन करण्याचा विचार करत आहे, जेणेकरून अधिकाधिक कर्मचाऱ्यांना कामावरून काढून टाकता येईल.

बड्या कंपन्यांकडूनही कर्मचारी कपात
भू-राजकीय अनिश्चितता आणि जागतिक मंदीच्या वाढत्या जोखमीच्या पार्श्वभूमीवर बर्‍याच मोठ्या कंपन्यांनी कर्मचारी कपात केली आहे. ॲपल, मायक्रोसॉफ्ट आणि गुगलसह टेक दिग्गजांनी नोकरभरतीला ब्रेक लावला आहे किंवा खर्च कमी करण्यासाठी आणि ऑपरेटिंग मार्जिन राखण्यासाठी कर्मचारी कापत करणे सुरू केले आहे. क्रंचबेसने संकलित केलेल्या आकडेवारीनुसार, जुलैच्या अखेरीस अमेरिकेत ३२,००० हून अधिक तंत्रज्ञांना कामावरून काढून टाकण्यात आले.

LEAVE A REPLY

Please enter your comment!
Please enter your name here