Maharashtra Political Battle: अंधेरी पूर्व विधानसभा मतदारसंघ हा कॉस्मोपॉलिटीन परिसर म्हणून ओळखला जातो. भाजपचे कडवे आव्हान परतवून पोटनिवडणूक जिंकायची असेल तर शिवसेनेची मदार यंदा मराठी-मुस्लीम या समीकरणावर अवलंबून असल्याचे सांगितले जाते. हे कॉम्बिनेशन यशस्वी ठरल्यास शिवसेनेचा विजय सहज शक्य आहे. या भागात ख्रिश्चन, मुस्लीम, दलित, भिक्खू, उत्तर भारतीय आणि मराठी अशी मिश्र लोकवस्ती आहे.
हायलाइट्स:
- काँग्रेसने पाठिंबा दिल्यामुळे शिवसेनेची बाजू भक्कम
- मुस्लीम व्होटबँक शिवसेनेसाठी महत्त्वाची
अंधेरी पूर्व विधानसभा मतदारसंघ हा कॉस्मोपॉलिटीन परिसर म्हणून ओळखला जातो. भाजपचे कडवे आव्हान परतवून पोटनिवडणूक जिंकायची असेल तर शिवसेनेची मदार यंदा मराठी-मुस्लीम या समीकरणावर अवलंबून असल्याचे सांगितले जाते. हे कॉम्बिनेशन यशस्वी ठरल्यास शिवसेनेचा विजय सहज शक्य आहे. या भागात ख्रिश्चन, मुस्लीम, दलित, भिक्खू, उत्तर भारतीय आणि मराठी अशी मिश्र लोकवस्ती आहे. यापैकी ख्रिश्चन समूदाय हा पूर्वापार काँग्रेसला मतदान करत आला आहे. परंतु, या पोटनिवडणुकीत काँग्रेसचा उमेदवार नसल्यास ख्रिश्चन नागरिक मतदानासाठी कितपत बाहेर पडतील, याबाबत शंका आहे. २०१४ आणि २०१९ च्या विधानसभा निवडणुकीत अंधेरी पूर्वतील ख्रिश्चन व्होटबँक काँग्रेस आणि भाजपमध्ये विभागली गेली होती. आताच्या पोटनिवडणुकीत हे ख्रिश्चन मतदार घराबाहेर न पडल्यास पोटनिवडणुकीची समीकरणे बदलू शकतात. अशावेळी अंधेरी पूर्व परिसरातील मुस्लीम व्होटबँक शिवसेनेसाठी महत्त्वाची ठरू शकते. भाजपकडून गेल्या काळात सातत्याने आक्रमक हिंदुत्त्वाची भूमिका घेतली जात आहे. त्यामुळे तुलनेत सर्वांना सामावून घेण्याची भूमिका असलेल्या शिवसेनेच्या पारड्यात मुस्लीम मतदार दान टाकू शकतात.
Andheri Bypoll: अंधेरीच्या पोटनिवडणुकीचं प्लॅनिंग थेट दिल्लीत? बावनकुळे-शेलार अमित शाहांना भेटलेया मतदारसंघात रमेश लटके हे लोकप्रिय होते. त्यांचा मतदारसंघात चांगला जनसंपर्क होता. परिणामी निवडणुकीत त्यांच्या पत्नील ऋजुता लटके यांना सहानुभूतीच्या लाटेचा फायदा होऊ शकतो. यासाठी शिवसेनेकडून ऋजुता लटके यांना दारोदारी नेऊन प्रचार करण्याची रणनीती आखण्यात आली आहे. याशिवाय, अमराठी मते शिवसेनेकडे वळवण्यासाठी या मतदारसंघातील काँग्रेस नेते सुरेश शेट्टी यांची मदत घेतली जाऊ शकते.
शिंदेंनी बीकेसीवर केवळ मोदी-शहा चालिसा वाचली, आरोप ऐकून नारायण राणेंनीही तोंडात बोटं घातली असतील: शिवसेना
अंधेरीची पोटनिवडणूक डोळ्यासमोर ठेवून उद्धव ठाकरेंनी दसरा मेळाव्यात भाषण केलं?
शिवसेना पक्षप्रमुख उद्धव ठाकरे यांनी दसरा मेळाव्यात मुस्लीम समुदायाच्या भावनांना हात घालण्याचा प्रयत्न केला होता. उद्धव यांनी सरसंघचालक मोहन भागवत यांनी मशिदीला भेट दिल्याचा उल्लेख केला. याशिवाय, काश्मीरमध्ये औरंगजेब हा भारतीय लष्करातील जवान देशासाठी शहीद झाल्याचे सांगितले. २०१८ मध्ये दहशतवाद्यांनी औरंगजेबची हत्या केली होती. उद्धव ठाकरे यांनी औरंगजेबच्या हौतात्म्याचा मुद्दा उपस्थित करत तो आपल्यासाठी भावाप्रमाणे असल्याचे म्हटले. उद्धव ठाकरेंच्या या वक्तव्यांचा संबंध अंधेरी पोटनिवडणुकीशी जोडला जात आहे. या पोटनिवडणुकीत वंचित बहुजन आघाडी आणि एमआयएमने उमेदवार न उतरवल्यास मुस्लीम व्होटबँक आपल्या बाजूला वळवणे सेनेला सोपे जाईल. अशा परिस्थितीत भाजपला ही पोटनिवडणूक जिंकण्यासाठी आपल्या स्टार प्रचारक नेत्यांवर अवलंबून राहावे लागेल.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
