कुणीच कुणाला शिव्या देऊ नये, संस्कृतीचा दाखला देत अजित पवारांनी चंद्रकांत पाटलांना सुनावलं
आम्ही पक्षसंघटनेचे पुरावे एकत्रित करत असून निवडणूक आयोगाची टीम आमची तयारी पाहू शकते, असं म्हणत उद्धव ठाकरे यांच्याकडून आयोगाला पाहणी करण्यासाठी निमंत्रणही देण्यात आलं आहे.
दरम्यान, ठाकरे गटाकडून वेळेत उत्तर न आल्यास धनुष्यबाण चिन्हाविषयी आयोगाला योग्य तो निर्णय घ्यावा लागेल, असा इशारा काल निवडणूक आयोगाकडून देण्यात आला होता. त्यानंतर आता उद्धव ठाकरे यांनी पुन्हा त्वरित सुनावणीस विरोध केल्यानंतर निवडणूक आयोग काय भूमिका घेणार, हे पाहणं औत्सुक्याचं ठरणार आहे.
उच्च न्यायालयाने विदर्भातील ZPच्या सीईओंना फटकारले; आदेश देऊन २ वर्ष झाली तरी…
शुक्रवारी दिल्लीत नेमकं काय घडलं?
अंधेरी पूर्व पोटनिवडणुकीचा कार्यक्रम ३ ऑक्टोबर रोजी जाहीर झाल्यानंतर शिंदे गटाच्या वतीने शिवसेनेचे निवडणूक चिन्ह धनुष्यबाण आपल्यालाच मिळावं, अशी मागणी करणारे पत्र ४ ऑक्टोबर रोजी निवडणूक आयोगाला दिले होते. शिंदे गटाचे वकील चिराग शहा यांनी त्याच दिवशी या पत्राची प्रत ठाकरे गटाला ईमेल केली होती, याचा उल्लेख निवडणूक आयोगाने शुक्रवारच्या पत्रात केला. आजवर दोनवेळा मुदतवाढ मागणाऱ्या ठाकरे गटाने शुक्रवारी प्रथमच आपले प्राथमिक लेखी निवेदन आयोगासमोर सादर केले. शिंदे गटाची कागदपत्रे अद्याप मिळालेली नाहीत, अशी तक्रार करत ठाकरे गटाने निवडणूक आयोगासमोर आपली बाजू मांडली. त्यासाठी ठाकरे गटासाठी शुक्रवारची शेवटची मुदत होती. निवडणूक आयोगाने दिलेली मुदत संपण्याच्या आत दुपारी ४ वाजता ठाकरे गटाचे वकील देवदत्त कामत यांनी निवडणूक आयोगाकडे दस्तावेज सादर केला.
ठाकरे गटाने धनुष्यबाण चिन्हाची मागणी करणाऱ्या शिंदे गटाच्या मागणीवरील प्रतिसादासह २९ सप्टेंबर रोजी मागितलेला दस्तावेज सादर करावा, असं निवडणूक आयोगाने या पत्रात म्हटलं आहे. ठाकरे गटाकडून उत्तर न मिळाल्यास निवडणूक आयोग धनुष्यबाणाच्या मुद्द्यावर योग्य तो निर्णय घेईल, असंही आयोगाने या पत्राच्या शेवटी म्हटलं होतं.
