uddhav thackeray, चिन्ह गोठलं, शिवसेना नाव वापरता येणार नाही; आता ठाकरे, शिंदेंसमोर काय पर्याय? जाणून घ्या – election commission freezes shiv sena party symbol options for eknath shinde and uddhav thackeray

पक्षाचं नाव आणि निवडणूक चिन्ह गोठवण्यात आल्यानं ठाकरे आणि शिंदे गटासमोर नवं आव्हान निर्माण झालं आहे. दोन्ही गट कोणतं नाव आणि चिन्ह निवडणार याबद्दल राज्याला उत्सुकता आहे. दोन्ही गटांना शिवसेना नाव वापरता येणार नाही. मात्र त्यांना शिवसेनेशी संबंधित नाव वापरता येईल. त्यामुळे शिवसेना (बाळासाहेब ठाकरे), शिवसेना (ठाकरे), शिवसेना (शिंदे) अशी नावं घेतली जाऊ शकतात. गेल्या वर्षी लोकजनशक्ती पक्षात फूट पडली. या पक्षाची स्थापना रामविलास पासवान यांनी केली. पासवान यांचे पुत्र चिराग पासवान आणि पासवान यांचे बंधू पशुपती पारस यांच्यामध्ये पक्ष विभागला. त्यावेळी त्यांनी राष्ट्री लोक जनशक्ती पक्ष आणि लोक जनशक्ती पक्ष (रानविलास) अशी नावं घेतली होती.
आमचं चिन्ह… मिलिंद नार्वेकरांचं लक्षवेधी ट्विट; धनुष्यबाण गोठवल्यानंतर ठाकरे गटाचं ठरलं?
धनुष्यबाण गोठलं; मग आता कोणतं चिन्हं?
दोन गट एकाच चिन्हावर दावा सांगतात, तेव्हा निवडणूक आयोग ते चिन्हच गोठवतो असा इतिहास आहे. ठाकरे आणि शिंदे गटाला याची कल्पना होती. त्यामुळेच त्यांनी दसरा मेळाव्यातून नव्या चिन्हाबद्दल संकेत दिले. शिंदेंनी बीकेसीमधील मेळाव्याची सुरुवात तलवार पूजनानं केली. व्यासपीठासमोर असलेल्या जागेत ५१ फूट लांब तलवारीची प्रतिकृती ठेवण्यात आली होती. शिंदे गटाच्या आमदारांनी मुख्यमंत्र्यांना १२ फूट लांबीची चांदीची तलवार भेट म्हणून दिली. तर ठाकरे गटानं गदा शिवतीर्थावरील मेळाव्यात शस्त्रपुजनावेळी गदेचा वारंवार उल्लेख केला. त्यामुळे त्यांचं चिन्ह गदा असू शकतं.