एकनाथ शिंदे इन ऍक्शन! नाव, चिन्हाबद्दल मोठा निर्णय होणार; दुपारच्या बैठकीनंतर डाव टाकणार?
भाजपच्या आमदार मेघना साकोरे-बोर्डेकर यांनी ट्विटच्या माध्यमातून निवडणूक आयोगाच्या निकालावर भाष्य केलं आहे. ‘हा तर सत्याचा, खऱ्या शिवसैनिकांच्या आणि शिवसेनाप्रमुख स्व. बाळासाहेब ठाकरेंच्या विचारांचा विजय! बाळासाहेब एकदा म्हणाले होते की ज्या दिवशी शिवसेना काँग्रेससोबत जाईल, त्या दिवशी मी माझं हे दुकान बंद करेल! त्यांचं हे विधान आज सत्य होताना दिसत आहे,’ असं बोर्डेकरांनी ट्विटमध्ये म्हटलं आहे.
दुसरीकडे भाजपचे नेते मोहित कंबोज भारतीय यांनी ठाकरे गटाला डिवचलं आहे. त्यांनी एक ट्विट केलं आहे. त्यात मर्सिडिजचा लोगो आणि पेंग्विन आहे. निवड तुमची, असं त्यांनी या ट्विटमध्ये म्हटलं आहे. ठाकरे गटानं मर्सिडीज किंवा पेंग्विन चिन्ह घ्यावं, असं कंबोज यांनी अप्रत्यक्षपणे सुचवलं आहे.
ठाकरे, शिंदेंमध्ये नवा वाद; दोन्ही गटांचा सेम नावावर क्लेम; कुरघोडीच्या राजकारणात कोणाचा गेम?
मोहित कंबोज यांनी दुसऱ्या एका ट्विटमधूनही ठाकरेंवर निशाणा साधला आहे. ‘कोणाचाच अहंकार टिकत नाही. दुसऱ्यांचं घर तोडायला निघाले होते. स्वत:चं घर कधी उद्ध्वस्त झालं ते कळलंही नाही. देवाच्या काठीला आवाज नसतो. कोण म्हणतं अहंकार केवळ रावणाला मारतो? अहंकार धनुष्यबाणालादेखील मारतो’, अशा शब्दांत कंबोज यांनी ठाकरेंना लक्ष्य केलं आहे.
