चंद्रपूर : जिल्ह्यातील ब्रम्हपुरी तालुक्यातल्या उचली गावात गेल्या १ वर्षापासून अजगराची दहशत निर्माण झाली होती. आता ९ बकऱ्या फस्त करणाऱ्या १२ फुटी अजगराला पकडण्यात अखेर यश आले आहे.
गावालगत शेतशिवरात एक महाकाय अजगर ग्रामस्थांना सतत दिसायचा. या अजगराने एक-एक करत गावातील ९ बकऱ्या फस्त केल्या. अजगराचा वावर असल्याने गावकरी शेतात जायला घाबरायचे. तसेच लहान मुलांना लगतच्या भागात जाण्यास प्रतिबंध करण्यात आले होते. दरम्यान शेतकरी ढोंगे यांची चौथी बकरी अजगराने मारली. ही माहिती अर्थ कंजरवेशन ऑर्गायझेशन संस्था सदस्यांना देण्यात आली. सर्पतज्ञ ललित उरकुडे, विवेक राखडे, चेतन राखडे व ईशान वठे यांनी घटनास्थळावर धाव घेतली. त्यांनी मोठ्या शिताफीने अजगराला पकडले. महाकाय अजगर जेर बंद झालेला बघून गावकऱ्यांनी एकच जल्लोष केला आणि संस्थेच्या सर्व कार्यकर्त्यांचे आभार मानले. हा अजगर एकूण १२ फूट लांबीचा होता. या आकाराचा अजगर ब्रम्हपुरी भागात आढळल्याची ही पहिलीच नोंद आहे.
आईचं निधन झाल्याचं कळताच मुलगी धावून आली, अंत्यविधीवेळी आला संशय अन्…
