Maharashtra Politics | त्रिशूळ हे चिन्ह धनुष्यबाणाला उत्तम पर्याय ठरू शकतो. हिंदुत्ववादाच्यादृष्टीने त्रिशूळ हे चिन्ह प्रभावी ठरू शकते. अनेक देवी-देवतांच्या हातामध्ये त्रिशूळ असतो. त्यामुळे त्रिशूळ हिंदुत्वावादाच्या विचासरणीचे प्रतिक ठरू शकते. परिणामी हे चिन्ह उद्धव ठाकरे गटाला मिळाल्यास त्यांना फायदा मिळू शकतो. हीच गोष्ट लक्षात घेऊन शिंदे गटाने त्रिशूळ आणि धगधगती मशाल या चिन्हांवर दावा सांगून एकप्रकारे पाचर मारून ठेवली आहे.
हायलाइट्स:
- शिवसेनेकडून त्रिशूळ, धगधगती मशाल आणि उगवता सूर्य या तीन चिन्हांचा पर्याय
- शिंदे गटाकडून त्रिशूळ, धगधगती मशाल आणि गदा या तीन चिन्हांचा पर्याय
ठाकरेंनी सुचवलेली चिन्हं निवडणूक आयोगाच्या यादीत नाहीत; पेन ड्राईव्ह, डस्टबिनसह १९७ पर्यायशिंदे गटाने उद्धव ठाकरे यांनी निवडलेल्या त्रिशूळ आणि धगधगती मशाल या दोन चिन्हांवर आपलाही दावा का सांगितला असावा, याविषयी निरनिराळे तर्कवितर्क लढवले जात आहे. त्रिशूळ हे चिन्ह धनुष्यबाणाला उत्तम पर्याय ठरू शकतो. हिंदुत्ववादाच्यादृष्टीने त्रिशूळ हे चिन्ह प्रभावी ठरू शकते. अनेक देवी-देवतांच्या हातामध्ये त्रिशूळ असतो. त्यामुळे त्रिशूळ हिंदुत्वावादाच्या विचासरणीचे प्रतिक ठरू शकते. परिणामी हे चिन्ह उद्धव ठाकरे गटाला मिळाल्यास त्यांना फायदा मिळू शकतो. हीच गोष्ट लक्षात घेऊन शिंदे गटाने त्रिशूळ आणि धगधगती मशाल या चिन्हांवर दावा सांगून एकप्रकारे पाचर मारून ठेवली आहे. त्यामुळे उद्धव ठाकरे यांच्या गटाला ही दोन्ही चिन्हे मिळण्याची शक्यता दुरापास्त मानली जात आहे. ही दोन्ही चिन्हे बाद झाल्यास उद्धव ठाकरे गटाला उगवता सूर्य आणि शिंदे गटाला गदा हे पक्षचिन्ह मिळू शकते.
मातोश्रीवर ठरलं सॉलिड प्लानिंग; उद्धव ठाकरे आता थेट दिल्लीच्या तख्ताला भिडणार
उद्धव ठाकरे गटाची उच्च न्यायालयात धाव
केंद्रीय निवडणूक आयोगाने धनुष्यबाण चिन्ह गोठवल्याच्या निर्णयाविरोधात शिवसेनेतील उद्धव ठाकरे गटाने दिल्ली उच्च न्यायालयात धाव घेतली आहे. उद्धव ठाकरे गटाकडून (Uddhav Thackeray camp) उच्च न्यायालयात रिट याचिका दाखल करण्यात आली आहे. यामध्ये निवडणूक आयोगाच्या निर्णयाविरोधात दाद मागण्यात आली आहे. निवडणूक आयोगाने (Election Commission) आम्हाला आमची बाजू मांडण्याची संधीच दिली नाही. तसेच प्रतिज्ञापत्र आणि कागदपत्रांची पडताळणी न करताच निवडणूक आयोगाने धनुष्यबाण चिन्ह आणि शिवसेना हे नवा गोठवण्याचा निर्णय घेतला. निवडणूक आयोगाच्या या निर्णयाला तातडीने स्थगिती द्यावी, अशी मागणी शिवसेनेने आपल्या याचिकेत केली आहे. तसेच ही याचिका आजच तातडीने सुनावणीसाठी घ्यावी, अशी मागणीही शिवसेनेच्या वकिलांकडून करण्यात आली आहे. त्यामुळे आता यावर दिल्ली उच्च न्यायालय काय निकाल देणार, याकडे सर्वांच्या नजरा लागल्या आहेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
