एका विचित्र अपघातात तीन वर्षीय निष्पाप चिमुकल्याचा दुर्दैवी अंत झाल्याची घटना शहरातील इंदापूर रोडवरील हॉटेल शिवम समोर घडली. अरहत थोरात असे या चिमुकल्याचे नाव आहे. या प्रकरणी पोलिसांनी एकाला ताब्यात घेतले आहे. चिमुकल्याच्या वाढदिवशीच हा अपघात झाला. चिमुकल्याच्या निधनानं कुटुंबावर दु:खाचा डोंगर कोसळला आहे.
पाच वर्षांपासून पोटदुखी, महिलेनं रुग्णालय गाठलं; स्कॅन करताच डॉक्टरांना घाम फुटला
प्रिती थोरात या चिमुकल्या अरहत व कुटुंबासह एसटी स्टँड चौक ओलांडून इंदापूर रोडने जय शिवम हॉटेल समोरुन पुढे चालत येत होत्या. रस्त्यात असलेला लोखंडी अँगल ओलांडून पुढे निघाले असताना अचानक भरधाव वेगाने एक मोटारसायकल येऊन अँगलला धडकली. तो लोखंडी अँगल फिर्यादीच्या पायाला व तीन वर्षाच्या अरहतच्या डोक्याला लागला. त्याच्या डोक्यातून रक्तस्त्राव होऊ लागल्याने त्याला तात्काळ शहरातील वेगवेगळ्या नामांकित हॉस्पिटलमध्ये नेले. मात्र आम्ही अपघाताचे रुग्ण घेत नसल्याचे तेथील डॉक्टरांनी सांगितले. शेवटी एका हॉस्पिटलमध्ये चिमुकल्याला दाखल केले असता डॉक्टरांनी त्याला दवाखान्यात आणण्यास उशीर झाल्याचे सांगत मृत घोषित केले. दरम्यान अपघातास कारणीभूत ठरलेल्या मोटरसायकल स्वार संकेत खळदकरसह प्राथमिक उपचार न देणाऱ्या रुग्णालयावर कारवाई करण्याची मागणी फिर्यादीत नमूद केली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
