एका अज्ञात व्यक्तीनं खासगी बँकेला २.७७ लाख रुपयांचा चुना लावला आहे. खारमधील एटीएममधून अज्ञातानं रोकड काढली. पण हा व्यवहार बँकेच्या रेकॉर्डवर आलाच नाही. त्यासाठी ठगानं नवी ट्रिक वापरली. अज्ञातानं ५० हजार रुपयांपेक्षा अधिक रकमेचे ४ व्यवहार केले.

 

atm cash
मुंबई: एका अज्ञात व्यक्तीनं खासगी बँकेला २.७७ लाख रुपयांचा चुना लावला आहे. खारमधील एटीएममधून अज्ञातानं रोकड काढली. पण हा व्यवहार बँकेच्या रेकॉर्डवर आलाच नाही. त्यासाठी ठगानं नवी ट्रिक वापरली. अज्ञातानं ५० हजार रुपयांपेक्षा अधिक रकमेचे ४ व्यवहार केले. एटीएममधून रोकड बाहेर आल्यानंतर अज्ञातानं मशीनची वायर प्लगमधून बाहेर काढली. त्यामुळे मशीन बंद झाली. यामुळे व्यवहारच रद्द झाला आणि रोकड संबंधिताच्या बँक खात्यातून वजाच झाली नाही.

एटीएममधून रोकड कमी होत आहे. पण पैसे काढल्याचे व्यवहार दिसत नाहीत. ही बाब दक्षता पथकाच्या लक्षात आली. त्यामुळे हा संपूर्ण प्रकार उजेडात आला. दक्षता पथकाच्या अहवालानंतर उपव्यवस्थापकांनी खार पोलीस ठाण्यात शनिवारी गुन्हा नोंदवला. यासाठी आरोपीनं क्लोन्ड डेबिट कार्डचा वापर केल्याचं पोलिसांनी सांगितलं.
चमत्कार! ४५ मिनिटं नॉनस्टॉप CPR आणि शॉक; डॉक्टरांच्या अथक प्रयत्नांनी रुग्णाला जीवदान
या प्रकरणी पोलिसांनी गुन्हा दाखल केला आहे. एटीएम सेंटरमधील सीसीटीव्ही फुटेज तपासली जात आहेत. ६ ऑक्टोबरला बँकेच्या दक्षता पथकानं संबंधित शाखेला काही संशयास्पद व्यवहारांची माहिती दिली. खार पश्चिमेतील लिकिंग रोडवरील एटीएममध्ये संशयास्पद व्यवहार झाल्याचा अहवाल पथकानं बँकेला दिला. अज्ञात व्यक्तीनं क्लोन केलेल्या डेबिट कार्डचा वापर करून १ ऑक्टोबरला ५० हजार रुपये काढल्याचं तपासातून उघडकीस आलं.
लोखंडी अँगल ओलांडून कुटुंब निघालं, तितक्यात बाईकची धडक; वाढदिवशीच चिमुकल्याला मृत्यूनं गाठलं
एटीएममधून रोकड बाहेर येत असताना आरोपीनं एटीएमची वायर प्लगमधून बाहेर काढली. त्यामुळे मशीन बंद झालं. मात्र संबंधित व्यक्तीच्या खात्यातून पैसे वजा झाले नाहीत. आरोपीनं अशाच प्रकारे दुसरा व्यवहार केला आणि ५९ हजारांची रोकड काढली. २ आणि ३ ऑक्टोबरला अनुक्रमे ८० हजार आणि ८८ हजार रुपये काढण्यात आले, अशी आकडेवारी एफआयआरमध्ये आहे. या रॅकेटमध्ये अनेकांचा समावेश असावा, अशी शक्यता पोलिसांनी वर्तवली आहे. आम्ही याचा तपास करत आहोत. लवकरच आरोपींना अटक करण्यात येईल, असं पोलीस म्हणाले.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here