मुंबई: शिवसेनेच्या ठाकरे आणि शिंदे गटात नावांवरून सुरू असलेला लढा अखेर संपुष्टात आला आहे. केंद्रीय निवडणूक आयोगाने ठाकरे गटाला शिवसेना (उद्धव बाळासाहेब ठाकरे) असं नाव वापरण्यास परवानगी दिलेली आहे. तर शिंदे गटाला ‘बाळासाहेबांची शिवसेना’ असं नाव मिळालेलं आहे. दुसरीकडे आयोगाने ठाकरेंना मशाल चिन्ह दिलेलं आहे. तर शिंदेंकडे चिन्हासाठी पर्याय मागितले आहेत. शिवसेनेचं धनुष्यबाण चिन्ह गोठवल्यानंतर निवडणूक आयोगाने आज महत्त्वपूर्ण निर्णय दिला आहे.

अंधेरी पूर्व विधानसभा मतदारसंघातील पोटनिवडणूक अवघ्या काही दिवसांवर आली आहे. निवडणुकीसाठी ठाकरे गटानं उमेदवारही जाहीर केला आहे. शिवसेना नाव आणि धनुष्यबाण चिन्ह गोठवण्याचा निर्णय निवडणूक आयोगानं शनिवारी दिला. त्यामुळे दोन्ही गटांना धक्का बसला. दोन्ही गटांना कोणती नावं मिळतात याबद्दल उत्सुकता होती.
‘बाळासाहेबांची शिवसेना’ नाव शिंदे गटाला तर ठाकरेंना मशाल चिन्ह, निवडणूक आयोगाचा निर्णय काय?
निवडणूक आयोगानं ठाकरे गटाला शिवसेना (उद्धव बाळासाहेब ठाकरे) असं नाव वापरण्यास परवानगी दिली आहे. ठाकरे गटानं निवडणूक आयोगाकडे पक्षासाठी सुचवलेल्या नावात ठाकरे कुटुंबातील तीन पिढ्यांचे प्रतिबिंब दिसून येत होतं. ठाकरे गटाकडून शिवसेना बाळासाहेब ठाकरे, शिवसेना प्रबोधनकार ठाकरे आणि शिवसेना उद्धव बाळासाहेब ठाकरे ही नावं सुचवण्यात आली होती.

ठाकरे आणि शिंदे गटाने शिवसेना बाळासाहेब ठाकरे या नावावर दावा केला. त्यामुळे निवडणूक आयोगानं दोन्ही गटांना हे नाव दिलं नाही. ठाकरे गटानं शिवसेना बाळासाहेब ठाकरे असा नावावर दावा केल्यानं शिंदे गटानं या नावावर दावा सांगितला. निवडणूक आयोगानं दावा फेटाळावा आणि ठाकरे गटाला ‘शिवसेना बाळासाहेब ठाकरे’ हे नाव मिळू नये यासाठी शिंदे गट मोठ्या हुशारीनं ही चाल खेळला.
धनुष्यबाण गोठलं, पण अगोदर शिवसेनेकडे कोणती चिन्हं होती? भुजबळ ‘मशाली’वर निवडून आलेले!
दुसरीकडे शिंदे गटानं पहिल्या पसंतीसाठी आयोगाला शिवसेना बाळासाहेब ठाकरे नाव सुचवलं. तर दुसऱ्या आणि तिसऱ्या पसंतीसाठी बाळासाहेबांची शिवसेना आणि शिवसेना बाळासाहेबांची शिवसेना हे पर्याय दिले. यातला पहिला पर्याय ठाकरे गटाला काऊंटर करण्यासाठी देण्यात आला होता. दोन्ही गटांनी सारखाच दावा केल्यानं शिवसेना बाळासाहेब ठाकरे हे नाव निवडणूक आयोगानं कोणालाच दिलं नाही. शिंदे गटानं दुसरा पर्याय म्हणून बाळासाहेबांची शिवसेना नाव सुचवलं. ते त्यांना मिळालं आहे.

LEAVE A REPLY

Please enter your comment!
Please enter your name here