जिममध्ये फिटनेस ट्रेनर महिलेला करायचा घाणेरडा स्पर्श, मुंबईतला धक्कादायक प्रकार; अखेर महिलेने काय केलं पाहा…
मयत मुलीची प्रकृती ठीक नसल्याने तिला शहरातील एका खाजगी दवाखान्यात उपचार करून ती राहत असलेल्या खोलीवर दुपारी साडेतीन वाजता तिच्या पित्याने नेले. काही वेळानंतर मयत अल्पवयीन मुलीने आतून दरवाजा लावून घेतला. काही कालावधी उलटल्यानंतर ती बाहेर आली नसल्यामुळे तिचे वडील व मोठी मुलगी यांनी ती असलेल्या खोलीचा दरवाजा ठोठावला. परंतू, प्रतिसाद मिळाला नाही. काही वेळाने दरवाजा तोडण्यात आला असता पीडित अल्पवयीन मुलीने ओढणीच्या सहाय्याने गळफास घेऊन लटकलेल्या अवस्थेत सदरील मुलगी दिसून अली.
तात्काळ तिला उपचारासाठी लोहा ग्रामीण रुग्णालयात नेण्यात आले. पण डॉक्टरांनी तिला मृत घोषित केले. दरम्यान, अल्पवयीन मुलगी लोहा शहरातील संत गाडगे महाराज महाविद्यालयात इयत्ता बारावीमध्ये विज्ञान शाखेत शिक्षण घेत होती . त्यामुळे तिच्या पालकाने मुलीच्या शिक्षणासाठी लोहा शहरातील प्रियदर्शनी नगर येथे तिला मोठ्या बहिणीसह ठेवले होते. मोठी बहीण ही तिच्यासोबत राहून नीट परीक्षेची तयारी करत होती. पित्याने मोठ्या मुलीस अल्पवयीन मुलीच्या आत्महत्ये संदर्भाने विचारले असता तिने सांगितले की, यापुर्व मयत मुलगी खोलीवर एकटी असल्याची संधी साधून गावातीलच विजय नामदेव गाडेकर हा तिला कसले तरी आमिष दाखवुन तिच्यासोबत मोबाईलमध्ये फोटो काढून तो नेहमी पीडितेस सदर फोटो व्हायरल करतो म्हणून धमकावत होता.
एसटी महामंडळाकडून सर्व प्रवाशांसाठी महत्त्वाची सूचना, बसमध्ये बसण्याआधी नक्की वाचा ही बातमी…
विजय गाडेकर याचा मित्र युवराज श्रीराम काळे पाटील ( रूम पार्टनर ) याने त्याच्या फेसबुकवरुन रात्री ‘ लव्हली कप्पल ‘ म्हणून मयत अल्पवयीन मुलीचा व विजय गाडेकर या तरुणाचा फोटो व्हायरल केला. अनेकांनी समाज माध्यमावर ( सोशल मीडिया ) आलेला फोटो पाहुन आता आपली बदनामी झाली, असे वाटल्याने नैराश्यातून वैफल्यग्रस्त अवस्थेत असलेल्या अल्पवयीन मुलीने आता माझे कसे होईल ? असा विचार करून शहरातील प्रियदर्शनी नगरातील राहत्या खोलीत ओढणीच्या सहाय्याने गळफास घेत जीवनयात्रा संपविली. याप्रकरणी मयत मुलीच्या पित्याने लोहा पोलिसात दिलेल्या फिर्यादीवरून विजय नामदेव गाडेकर व युवराज श्रीराम काळे पाटील दोघे राहणार धावरी यांच्याविरुद्ध विविध कलमान्वये गुन्हा दाखल करण्यात आला असून पुढील तपास सपोनि गफार शेख करीत आहेत.
