नवी दिल्ली : जर तुमच्याकडे दिग्गज आयटी कंपनी इन्फोसिसचे शेअर्स असतील तर तुमच्यासाठी एक आनंदाची बातमी आहे. इन्फोसिस १३ ऑक्टोबर रोजी आपले तिमाही निकाल जाहीर करणार आहे. त्याच दिवशी इन्फोसिस शेअर बायबॅकचाही विचार करणार असल्याचे कंपनीने म्हटले आहे. कंपनीच्या या घोषणेनंतर आज सुरुवातीच्या व्यवहारात इन्फोसिसच्या शेअर्समध्ये बरीच हालचाल पाहायला मिळत आहे. ट्रेडिंगच्या सुरुवातीला शेअर १ टक्क्यांहून अधिक वाढून १,४७९ रुपयांच्या पातळीवर पोहोचला. मात्र, नंतर त्यात घसरण झाली आणि वृत्त लिहिल्यापर्यंत तो १.०७ टक्क्यांनी घसरून १,४४७ रुपयांवर व्यवहार करत होता.

शेअर होल्डर्सची बल्ले-बल्ले; देशातील सर्वात मोठी IT कंपनी प्रति शेअर आठ रुपये लाभांश देणार
सेबीच्या नियमांनुसार कंपनीचे बोर्ड १३ ऑक्टोबर २०२२ रोजी होणाऱ्या बैठकीत कंपनीच्या पूर्ण भरलेल्या इक्विटी शेअर्सच्या बायबॅकच्या प्रस्तावावर विचार करेल. तसेच त्याच दिवशी ते आर्थिक वर्ष २३ च्या दुसऱ्या तिमाहीचे आर्थिक निकाल देखील जाहीर करेल. कंपनीचे बोर्ड FY23 साठी अंतरिम लाभांशाचाही विचार करेल.

२०२१ मध्ये केले बायबॅक
इन्फोसिसने यापूर्वी सप्टेंबर २०२१ मध्ये शेअर बायबॅकही केले होते त्यानंतर, कंपनीने खुल्या बाजारातून ९२०० कोटी रुपयांचे शेअर्स विकत घेतले होते. मात्र, कंपनी खुल्या बाजारातून शेअर बायबॅक करणार की टेंडर ऑफरच्या मार्गाने हे देखील बोर्डाच्या बैठकीत ठरवले जाईल. याशिवाय कंपनीने बायबॅकचा निर्णय घेतला तर गेल्या पाच वर्षातील चौथ्यांदा बायबॅक होईल.

बाजाराची सुरुवात घसरणीनेच; जाणून घ्या आज कोणते शेअर्स करतील परफॉर्म
याशिवाय समभागांची कामगिरी पहिली तर गुंतवणूकदारांची निराशा झाली. गेल्या सहा महिन्यात कंपनीच्या शेअर्समध्ये ६ टक्क्यांची घट झाली आहे. १७ जानेवारी २०२२ रोजी इन्फोसिसचा शेअर रु.१९३८ वर व्यवहार करत होता. या पातळींवरून स्टॉक सुमारे २७ टक्क्यांनी घसरले आहेत. अमेरिका आणि युरोपमध्ये मंदीच्या शक्यतेमुळे आयटी क्षेत्रातील समभागांना जोरदार फटका बसला असून, त्यामुळे इन्फोसिसचा समभागही व्यवहारात टिकू शकले नाही.

शेअर बाजारातून कमाई! गुंतवणूकदारांसाठी लिक्विड ETF सर्वोत्तम, अशा प्रकारे स्मार्ट गुंतवणूक करा
गुंतवणूकदारांनी काय करावेब्रोकरेज फर्म सिटीने इन्फोसिसच्या शेअर्सवर खरेदीचा सल्ला दिला आहे. ब्रोकरेजनुसार हा शेअर आगामी काळात नफा देऊ शकतो. इन्फोसिसच्या समभागांची लक्ष्य किंमत १,६२५ रुपये प्रति शेअर निश्चित करण्यात आली आहे. ब्रोकरेजने म्हटले की १३ ऑक्टोबर रोजी कंपनीने शेअर बायबॅकचा विचार केला जाईल. कंपनीच्या शेअरला ओपन मार्केट बायबॅकचा आधार मिळू शकतो. मागील दोन बायबॅकचा आकार अनुक्रमे ९,२०० कोटी रुपये आणि ८,२६० कोटी रुपये होता.

LEAVE A REPLY

Please enter your comment!
Please enter your name here