Andheri byelection | या पोटनिवडणुकीसाठी उद्धव ठाकरे यांनी ऋतुजा लटके यांना उमेदवारी जाहीर केली होती. काँग्रेस आणि राष्ट्रवादी पक्षानेही शिवसेनेच्या उमेदवाराला पाठिंबा देऊ केला होता. त्यामुळे ऋतुजा लटके (Rutuja Latke) यांची बाजू भक्कम झाली होती. परंतु, आता ऋजुता लटके यांनाच गळाला लावण्यासाठी शिंदे गटाचे प्रयत्न सुरु असल्याची माहिती समोर येत आहे.
हायलाइट्स:
- दीपक केसरकर यांनीही अंधेरी पोटनिवडणुकीत शिंदे गटाचा उमेदवार उतरवण्याचे संकेत दिले होते
- शिंदे गटातील आमदारही यासाठी आग्रही असल्याचे समजते
दोन दिवसांपूर्वीच झालेल्या पत्रकार परिषदेत शिंदे गटाचे आमदार दीपक केसरकर यांनीही अंधेरी पोटनिवडणुकीत शिंदे गटाचा उमेदवार उतरवण्याचे संकेत दिले होते. शिंदे गटातील आमदारही यासाठी आग्रही असल्याचे समजते. त्यामुळे अंधेरी पोटनिवडणुकीत भाजपचाच उमेदवार रिंगणात उतरेल का, याबाबत कमालीचा साशंकता निर्माण झाली आहे. अंधेरी पोटनिवडणुकीसाठी उमेदवारी अर्ज भरण्याची मुदत १४ ऑक्टोबर रोजी संपत आहे. त्यामुळे आता शेवटच्या दोन दिवसांत काही चमत्कार घडणार का, हे पाहावे लागेल.
अनेक इच्छुक असताना आयारामाला तिकीट का? अंधेरीच्या उमेदवारीवरुन भाजपात नाराजीचा सूरया पोटनिवडणुकीसाठी उद्धव ठाकरे यांनी ऋतुजा लटके यांना उमेदवारी जाहीर केली होती. काँग्रेस आणि राष्ट्रवादी पक्षानेही शिवसेनेच्या उमेदवाराला पाठिंबा देऊ केला होता. त्यामुळे ऋतुजा लटके यांची बाजू भक्कम झाली होती. परंतु, आता ऋजुता लटके यांनाच गळाला लावण्यासाठी शिंदे गटाचे प्रयत्न सुरु असल्याची माहिती समोर येत आहे. रमेश लटके यांची मुख्यमंत्री एकनाथ शिंदे यांच्याशी चांगले सख्य होते. रमेश लटके जर हयात असते, तर ते आपल्याबरोबरच आले असते, असा शिंदे गटाचा दावा आहे. तसेच ऋतुजा लटके यांच्याविरोधात आपण निवडणूक लढवू नये, असेही शिंदे गटातील काही नेत्यांचे मत होते. त्यामुळे ऋतुजा लटके यांनी आपल्या पक्षात यावे आणि त्यांना शिंदे गट व भाजप युतीची उमेदवारी द्यावी, यासाठी मुख्यमंत्री शिंदे प्रयत्न करीत आहेत. त्यामुळे आता पुढे काय घडणार, याकडे सर्वांचे लक्ष लागले आहे.
ठाकरे साहेब, डोंट वरी, लटके वहिनींना ५० हजारांनी निवडून आणू, काँग्रेसचा शब्दऋतुजा लटकेंचा राजीनामा अधांतरी
ऋतुजा लटके या मुंबई पालिकेच्या अंधेरी येथील के/पूर्व कार्यालयात सेवेत होत्या. ऋतुजा लटके यांनी पालिका सेवेचा राजीनामा दिला आहे. मात्र, हा राजीनामा अर्ज मंजूर झालेला नाही. त्यामुळे लटके यांचा राजीनामा मंजूर होईपर्यंत त्यांना पोटनिवडणुकीसाठी उमेदवारी अर्ज भरता येणार नसल्याचे सांगितले जाते. या परिस्थितीत लटके यांचा राजीनामा मंजूर होण्यासाठी उद्धव ठाकरे गटाच्या नेत्यांकडून पालिकेच्या वरिष्ठ अधिकाऱ्यांच्या भेटी घेतल्या जात आहेत. मात्र, त्यांचा राजीनामा मंजूर करू नये याकरिता शिंदे गटाने आयुक्त इकबाल सिंह चहल यांच्यावर दबाव आणल्याचे समजते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
