nasa dart mission live, पृथ्वीला वाचवण्यात नासाच्या DART मिशनला मोठं यश, थेट दुसऱ्या ऑर्बिटमध्ये ढकललं एस्टेरॉयड – nasa dart mission pushing an asteroid into another orbit explain details

नवी दिल्ली : अमेरिकेची अंतराळ संस्था नासाने (NASA) आणखी एक मोठे यश मिळवले आहे. काही दिवसांपूर्वी नासाने, दुहेरी लघुग्रह पुनर्निर्देशन चाचणी (Double Asteroid Redirection Test – DART) मोहिमेचे अंतराळ यान डिडिमोस Didymos लघुग्रहाभोवती फिरणाऱ्या (Dimorphos) Dimorphos या छोट्या लघुग्रहाशी धडकले. नासाने एका निवेदनात दिलेल्या माहितीनुसार, या टक्करमुळे हा लघुग्रह दुसऱ्या कक्षेत ढकलला गेला आहे.

जारी केलेल्या निवेदनात नासाने म्हटले आहे की, डार्टने लघुग्रहाचा मार्ग यशस्वीपणे बदलला आहे. आता तो दुसऱ्या कक्षेकडे निघाला आहे. हे नासाचे एक महत्त्वाकांक्षी मिशन होते. इतकंच नाहीतर मानवतेसाठी हा एक ऐतिहासिक क्षण म्हणून ओळखला जाईल.

२०२३ मध्ये पृथ्वी बदलणार चाल, गंभीर असतील परिणाम; आतापर्यंतची सर्वात मोठी भविष्यवाणी
DART मिशन (DART Mission) अंतराळ यानाची लांबी १९ मीटर होती. म्हणजे साधारण बसपेक्षा पाच मीटर जास्त. डिमॉर्फोस या लहान लघुग्रहाशी ज्या अंतराळ यानाची टक्कर झाली, तो स्टॅच्यू ऑफ लिबर्टीच्या जवळपास दुप्पट मोठा आहे. स्टॅच्यू ऑफ लिबर्टीची लांबी ९३ मीटर आहे. तर डिमॉर्फोस १६३ मीटर आहे. म्हणजेच दीड फुटबॉल मैदानाच्या लांबीएवढी.

डार्ट मोहिमेवर काम करणाऱ्या शास्त्रज्ञांसमोरील सर्वात मोठे आव्हान होते ते लाखो किलोमीटर अंतरावर असलेल्या डिमॉर्फोस या छोट्या लघुग्रहावरील अंतराळयानाला अचूकपणे टक्कर मारणे. या समस्येचे निराकरण करण्यासाठी, नासाने अंतराळ यानाच्या पुढील बाजूस DRACO कॅमेरा बसवला. त्यात स्वयंचलित नेव्हिगेशन प्रणाली SMART Nav होती. जी पृथ्वीवर बसलेल्या अभियंत्यांना दिशा आणि वेग बदलण्यात मदत करत होती.

पृथ्वी फिरत नाहीय धावतेय; २४ तासातला वेग पाहून शास्त्रज्ञांची झोप उडाली, पाहा आता काय होणार!
तत्काळ दिशादर्शक यंत्रणेकडून मिळालेल्या माहितीच्या आधारे ती त्या बाजूला वळवण्यात आली. आता तो लघुग्रह त्याच्या जागेवरून किती हलला हे त्या वेळी स्पष्ट झाले नव्हते. पण आता आलेले निकाल नासासाठी चांगले आहेत. कारण फक्त टक्कर झाली नाही तर लघुग्रहाची दिशाही बदलली गेली आहे.
OMG! छोट्याशा संसर्गामुळे महिलेचे हात-पाय कापावे लागले, ‘ही’ गंभीर चूक तुम्ही करू नका…