Maharashtra Politics | मुंबै बँकेच्या मजूर प्रवर्गातील निवडणुकीसाठी फक्त एक अर्ज, तोपण प्रवीण दरकेरांच्या भावाचा. प्रवीण दरेकर यांनी मजूर सहकारी संस्था प्रवर्गातील संचालकपदाचा ३ जानेवारी २०२२ रोजी राजीनामा दिला होता. त्यामुळे हे पद रिक्त होते. राज्य सहकारी निवडणूक प्राधिकरणाने ४ ऑक्टोबरला निवडणूक कार्यक्रम जाहीर केला. प्रकाश दरेकर यांची बिनविरोध निवड होणार आहे
हायलाइट्स:
- प्रवीण दरेकर हे बँकेचे अध्यक्ष असून मजूर या वर्गातूनच ते निवडून येत होते
- प्रवीण दरेकर कोणत्या अंगाने मजूर वर्गात मोडतात?
प्रकाश दरेकर हे मुंबई भाजपचे उपाध्यक्ष असून, ते माजी नगरसेवक आहेत. मजूर सहकारी संस्था प्रवर्गातून अर्ज दाखल करण्यासाठी संबंधित उमेदवार मजूर असणे आवश्यक आहे. या प्रवर्गात प्रकाश दरेकर यांचा एकमेव अर्ज आला आहे. निवडणूक निर्णय अधिकारी शिरीष कुलकर्णी यांनी हा अर्ज पात्रही ठरवला आहे. केवळ प्रकाश दरेकर यांचा एकच उमेदवारी अर्ज असल्याने ते मजूर प्रवर्गातून बिनविरोध संचालकपदावर निवडून जाणार, हे सध्या स्पष्टपणे दिसत आहे.
मुंबै बँकेचे अध्यक्षपद प्रवीण दरेकरांनी पुन्हा मिळवलं; स्वत:ला मजूर म्हणून दाखवल्याने आले होते अडचणीतप्रवीण दरेकर यांनी मजूर सहकारी संस्था प्रवर्गातील संचालकपदाचा ३ जानेवारी २०२२ रोजी राजीनामा दिला होता. त्यामुळे हे पद रिक्त होते. राज्य सहकारी निवडणूक प्राधिकरणाने ४ ऑक्टोबरला निवडणूक कार्यक्रम जाहीर केला. यात नामनिर्देशन पत्र मिळण्यासाठी व दाखल करण्यासाठी दोनच दिवसांची मुदत होती. अधिकृत नामनिर्देशन उमेदवारांची यादी मंगळवारी सकाळी जाहीर करण्यात आली. यावेळी फक्त प्रकाश दरेकर यांचा अर्ज दाखल झाल्याचे दिसून आले. त्यामुळे प्रकाश दरेकर यांची बिनविरोध निवड होणार आहे.
Pravin Darekar: ‘मी रोजगार हमी योजनेवर पण काम केलंय, ठाकरे सरकार ‘पराचा कावळा’ करतंय’
प्रवीण दरेकर वादात का सापडले?
गेली अनेक वर्षे प्रवीण दरेकर हे बँकेचे अध्यक्ष असून मजूर या वर्गातूनच ते निवडून येत होते. मजूर सहकारी संस्थांच्या उपविधित मजुराची व्याख्या दिलेली आहे. अंगमेहनत करणारी व्यक्ती ही मजूर म्हणून गणली जाते. शारीरिक श्रमातून मजुरी करणारा असला पाहिजे, असेही या उपविधीत नमूद आहे. त्यामुळे प्रवीण दरेकर कोणत्या अंगाने मजूर वर्गात मोडतात, हा प्रश्न उपस्थित झाला होता. प्रत्यक्षात मजूर नसतानाही बनावट कागदपत्रांच्या आधारे मजूर असल्याचं दाखवून आणि १९९९ पासून २०२१ पर्यंत मुंबै बँकेच्या संचालक मंडळावर मजूर प्रवर्गातून निवडून येऊन नागरिकांबरोबरच सरकारचीही फसवणूक केली, अशा आरोपाखाली प्रवीण दरेकर यांच्यावर गुन्हा दाखल करण्यात आला होता. याप्रकरणात त्यांची पोलिसांकडून चौकशीही करण्यात आली होती.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
