Maharashtra Politics | ऋतुजा लटके यांनी पाच दिवसांपूर्वी आपल्या मुलासोबत वर्षा बंगल्यावर जाऊन मुख्यमंत्री एकनाथ शिंदे यांची भेट घेतल्याचे समजते. यावेळी एकनाथ शिंदे आणि ऋतुजा लटके यांच्यात अंधेरी पूर्व पोटनिवडणुकीसंदर्भात चर्चा झाल्याचे समजते. मात्र, याबद्दल शिंदे गट किंवा ऋतुजा लटके यांच्याकडून कोणतेही अधिकृत भाष्य करण्यात आलेले नाही. ऋतुजा लटके यांनी शिंदे गटासोबत वाटाघाटी करण्याचाही प्रयत्न केला होता.
हायलाइट्स:
- ऋतुजा लटके वर्षा बंगल्यावर जाऊन आल्याची माहिती
- ऋतुजा लटके यांनी शिंदे गटासोबत वाटाघाटी करण्याचाही प्रयत्न केला होता
Andheri East Bypoll : उद्धव ठाकरे सावध, ऋतुजा लटकेंचा राजीनामा लटकला, तर बॅकअप प्लॅन तयारतर ‘साम टीव्ही’च्या वृत्तानुसार ऋतुजा लटके यांनी शिंदे गटासोबत वाटाघाटी करण्याचाही प्रयत्न केला होता. भाजपचे उमेदवार मुरजी पटेल यांनी निवडणुकीतून माघार घेऊन आपल्याला पाठिंबा जाहीर केला तरच आपण शिंदे गटात प्रवेश करु, असा प्रस्ताव लटके यांच्याकडून शिंदे गटासमोर ठेवण्यात आला होता. परंतु, भाजपच्या मुरजी पटेल यांनी या निवडणुकीसाठी अगोदरच तयारी सुरु केली होती. यासाठी त्यांनी बराच खर्चही केला होता. त्यामुळे मुरजी पटेल यांनी अंधेरी पूर्व पोटनिवडणुकीतून माघार घेण्यास नकार दिल्याचे सांगितले जाते. त्यामुळे ऋतुजा लटके यांच्या भूमिकेविषयी मोठी उत्कंठा निर्माण झाली आहे. शिवसेनेकडून ऋतुजा लटके याच आमच्या उमेदवार असल्याचे सांगितले जात असले तरी अद्याप लटके यांनी जाहीरपणे कोणतेही भाष्य केलेले नाही. सध्याच्या राजकारणाचा एकूण बाज पाहता शेवटच्या क्षणी काहीही होण्याची शक्यता नाकारता येत नाही. त्यामुळे आता मुंबईतील ही राजकीय लढाई अत्यंत रंजक स्वरुपाची झाली आहे.
तोच खेळ पुन्हा! अंधेरीत शिंदेंकडून ‘अकोला पॅटर्न’; भाजप स्टाईलनं गेम करण्याची तयारी
ऋतुजा लटके यांना शिंदे गटाकडून मंत्रिपदाची ऑफर
शिंदे गट ऋतुजा लटके यांच्यावरही दबाव आणत आहे. तुम्ही शिंदे गटात प्रवेश करा, तुमचा नोकरीचा राजीनामा लगेच मंजूर होईल, असे शिंदे गटाकडून लटके यांना सांगण्यात आल्याची माहिती आहे. एवढेच नव्हे तर शिंदे गटात प्रवेश केल्यास ऋतुजा लटके यांना मंत्रिपदाची ऑफरही असल्याची माहिती आमच्याकडे असल्याचा दावा शिवसेना नेते अनिल परब यांनी केला. परंतु, लटके कुटुंब हे शिवसेनेशी एकनिष्ठ आहे. त्यामुळे ऋतुजा लटके या दबावाला बळी पडणार नाहीत, याची मला खात्री आहे, असे अनिल परब यांनी सांगितले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
