eye operation, हात लावताच डोळा निघाला! वृद्धासोबत घडला धक्कादायक प्रकार; रुग्णालयात एकच खळबळ – eye missing removal after operation surgery shocking incident kcc hospital civil surgeon jamshedpur

जमशेदपूर: झारखंडच्या जमशेदपूरमध्ये एक अतिशय धक्कादायक प्रकार घडला आहे. सरकारी रुग्णालयात शस्त्रक्रियेदरम्यान आपला खरा डोळा काढून त्याच्या जागी खेळण्यातील डोळा लावण्यात आल्याचा आरोप एका वृद्धानं केला आहे. या घटनेनंतर रुग्णालय प्रशासनात खळबळ उडाली. या प्रकरणी पीडित गंगाधर सिंह यांनी केसीसी रुग्णालय प्रशासन आणि शस्त्रक्रिया करणाऱ्या डॉक्टरांविरोधात तक्रार दाखल केली आहे.

जमशेदपूरहून जवळपास ६० किलोमीटर अंतरावर असलेल्या जंगलात गंगाधर सिंह वास्तव्यास आहेत. ते आदिवासी आहेत. ते राहत असलेल्या जंगल परिसरात जवळपास १५ घरं आहेत. काही दिवसांपासून गंगाधर यांच्या डोळ्यातून पाणी येत होतं. गावात आलेल्या एका महिलेला त्यांनी या समस्येबद्दल सांगितलं. तिनं उपचार करण्याबद्दल शब्द दिला आणि एका स्वयंसेवी संस्थेशी बोलण्यास सांगितलं.
मृत वाघावर जमावाचा हल्ला; केस ओढले, काठ्यांनी मारले; तब्बल हजार जणांवर एफआयआर
१८ नोव्हेंबर २०२१ रोजी गंगाधर सिंह यांना रुग्णालयात नेण्यात आलं. त्यांच्यासोबत ग्रामस्थ देवा मुर्मू, छिता हांसदा, भानू सिंह, मांझोल सिंह आणि टेटे गिरी यांच्यासह आणखी दोघांची शस्त्रक्रिया करण्यात आली. दुसऱ्या दिवशी सगळ्यांना शस्त्रक्रियेनंतर घरी पाठवण्यात आलं. काही दिवसांनंतर गंगाधर यांच्या डोळ्याला खाज सुटू लागली. गंगाधर उपचारांसाठी जमशेदरपूर, रांची आणि कोलकात्याला गेले. मात्र समस्या कायम राहिली.
बायकोला संपवण्यासाठी कट रचला, लोखंडी दरवाज्यावर इलेक्ट्रिक वायर ठेवली; पण त्याआधी…
दिवसागणिक समस्या वाढू लागली. खाज आणि जळजळ इतकी वाढली की त्यांनी दोन्ही हातांनी डोळे चोळण्यास सुरुवात केली. त्यांनी डोळ्यात पाणी टाकलं. यानंतर डोळ्याच्या भागात लावण्यात आलेली काचेची गोटी बाहेर आली. त्यामुळे गंगाधर घाबरले. काचेची गोटी घेऊन ते रुग्णालयात पोहोचले. गंगाधर यांचा खरा डोळा काढून त्याच्या जागी खोटा डोळा लावला गेल्याचं तपासातून बाहेर आलं. त्यामुळे रुग्णालय प्रशासनात एकच खळबळ उडाली. यानंतर ग्रामस्थांनी एक बैठक घेतली. ज्या महिलेच्या माध्यमातून शस्त्रक्रिया करण्यात आली, तिचा शोध सध्या सुरू आहे.