शार्दुलची किट बॅग कुठेतरी हरवली आहे का?
शार्दुल विमानकळावर पोहोचला आणि त्याची किट बॅग आलीच नाही. या संदर्भात त्याने एअर इंडियाच्या कर्मचाऱ्यांची मदत घेतली. शार्दुलने ट्विट करून लिहिले की, तुम्ही एखाद्याला सामानाच्या बेल्टवर मदत करण्यासाठी पाठवू शकता का? माझ्या किट बॅग्स वेळेवर आल्या नसण्याची ही पहिलीच वेळ नाही आणि या ठिकाणी एकही कर्मचारी नाही!
हरभजनने शार्दुलला दिले मदतीचे आश्वासन
शार्दुलच्या ट्विटवर हरभजन सिंगने आपली प्रतिक्रिया दिली आहे. त्याला टॅग करत हरभजनने लिहिले, “माझ्या प्रिय मित्रा, मला खात्री आहे की तुला तुझी किट बॅग मिळेल. आमचे कर्मचारी तुम्हाला लवकरच यामध्ये मदत करतील. तुला जो त्रास झाला त्याबद्दल क्षमस्व आम्ही तुझ्यावर प्रेम करतो. हरभजनच्या या प्रतिक्रियेवर शार्दुलने त्याचे आभार मानले असून त्याची मदत मिळाल्याची माहितीही दिली आहे.
शार्दुलला राखीव गोलंदाज म्हणून संधी मिळाली
शार्दुल ठाकूर मोहम्मद शमी आणि मोहम्मद सिराजसोबत ऑस्ट्रेलियाला रवाना होणार आहे. जसप्रीत बुमराहच्या जागी मोहम्मद शमीचा समावेश केला जाईल, तर मोहम्मद सिराज आणि शार्दुल ठाकूर यांचा राखीव गोलंदाज म्हणून संघात समावेश करण्यात आला आहे. दीपक चहर टी-२० विश्वचषकातून बाहेर पडल्यानंतर त्याला ही संधी मिळाल्याचीही बातमी येत आहे. वनडे मालिका शार्दुलने चांगलीच गाजवली. त्याचबरोबर यापूर्वीही त्याने ट्वेन्टी-२० क्रिकेटमध्ये दमदार कामगिरी केली आहे. यापूर्वी तो ऑस्ट्रेलियामध्येही खेळला आहे. त्यामुळे या विश्वचषकासाठी नक्कीच त्याची मदत संघाला होऊ शकते. पण त्याला संधी मिळणार की नाही, याची उत्सुकता सर्वांना असेल.
