महाबँकेच्या कर्जधारकांना मोठा झटका; व्याजदरांत पुन्हा मोठी वाढयाशिवाय बँकेने ३१ जानेवारी २०२३ पर्यंत गृहकर्जावरील प्रक्रिया शुल्कही माफ केले आहे. एसबीआयच्या अॅसेट अंडर मॅनेजमेंटने (एयूएम) ६ लाख कोटी रुपयांचा टप्पा ओलांडला आहे आणि ही कामगिरी करणारी एसबीआय ही देशातील पहिली बँक आहे. हे यश साजरे करण्यासाठी बँकेने गृहकर्ज ग्राहकांसाठी फेस्टिव्ह बोनान्झा सुरू केला आहे. सध्याच्या सणासुदीच्या काळात गृहकर्ज परवडण्याजोगे बनवण्यासाठी ही ऑफर सुरू केल्याचे बँकेने म्हटले आहे. या अंतर्गत एसबीआयला गृहकर्जावर ०.२५%, टॉप अप कर्जावर ०.१५% आणि मालमत्तेवरील कर्जावर ०.३०% सूट मिळेल. तसेच, बँकेने ३१ जानेवारी २०२३ पर्यंतच्या गृहकर्जावरील प्रक्रिया शुल्क माफ करण्याचा निर्णय घेतला आहे.
महागड्या व्याजदराने हैराण झालात; जाणून घ्या कोणत्या बँकेत मिळतंय सर्वात स्वस्त कर्ज
ही ऑफर सर्व विभागातील खरेदीदारांच्या गरजा लक्षात घेऊन तयार करण्यात आली आहे. नवीन गृहकर्ज खरेदीदारांसाठी तसेच टेकओव्हरसाठी व्याजदर ८.४० टक्के आहे आणि फर्निशिंग/नूतनीकरण/होम मेकओव्हरसाठी टॉप-अप कर्जे ८.८०% पासून सुरू होतात. या यशाबद्दल एसबीआयचे अध्यक्ष दिनेश खारा म्हणाले की, २८ लाखांहून अधिक लोकांनी बँकेकडून गृहकर्ज घेतले आहे.
२० वर्षांसाठी घेतलेले गृहकर्ज आता २५ वर्ष फेडावे लागणार, एका क्लिकवर समजून घ्या गणित
बँकेने मैलाचा दगड गाठला
६ लाख कोटी रुपयांच्या एयूएमवर भाष्य करताना, बँकेचे अध्यक्ष दिनेश खारा म्हणाले की, एसबीआय गृह वित्त क्षेत्रात आघाडीवर आहे. २८ लाखांहून अधिक कुटुंबांचा समावेश असलेल्या आमच्या ग्राहकांचे आम्ही अत्यंत आभारी आहोत. गेल्या काही वर्षांत उचललेली पावले आणि डिजिटल उपक्रमांनी आमच्या प्रवासात महत्त्वाची भूमिका बजावली आहे. राष्ट्र उभारणीत भागीदार होण्यासाठी आम्ही वचनबद्ध आहोत.
दुसरीकडे, फेस्टिव्ह बोनान्झावर भाष्य करताना बँकेचे एमडी (रिटेल बँकिंग आणि ऑपरेशन्स) आलोक कुमार चौधरी म्हणाले, “एसबीआय नेहमीच विविध ऑफर लॉन्च करण्यात आघाडीवर असते. कोविड निर्बंधांच्या दीर्घ कालावधीनंतर सणांचा हंगाम आला आहे. अशा परिस्थितीत जनतेच्या आनंदात भर घालायची आहे, हा उत्सव त्या विचाराचा परिणाम आहे. देशभरात गृहकर्जाचे दर वाढले आहेत. मर्यादित कालावधीसाठी सवलतीचे व्याज दर आणि प्रक्रिया शुल्क माफीची घोषणा करताना आम्हाला आनंद होत आहे.”
