Authored by टीम मटा ऑनलाइन | Edited by प्रशांत पाटील | महाराष्ट्र टाइम्स.कॉम | Updated: 13 Oct 2022, 1:06 pm
Pune News : काल बुधवारी सिंहगड एक्सप्रेसच्या बोगीत चाकरमानी यांच्यात जागेवरुन तुफान हाणामारी बघायला मिळाली. सहास गुण्यागोविंदाने पुणे मुंबई रेल्वे प्रवास करणारे चाकरमानी भांडणाच्या मूडमध्ये दिसून आले.
हायलाइट्स:
- सिंहगड एक्सप्रेसच्या बोगीत फ्री-स्टाईल हाणामारी
- हाणामारीचा व्हिडिओ प्रचंड व्हायरल
- आधी वाद झाला नंतर हाणामारी
ट्रेनमध्ये बसण्यासाठी जागा पकडण्यावरुन काहीतरी वाद झाला आणि पुढे याचंच रुपांतर हाणामारीत झालं. पासधारक आणि सामान्य रेल्वे प्रवासी यांच्यात नेहमी अशा चकमकी होतात. परंतु सिंहगड एक्स्प्रेस चिंचवड स्टेशनवर येताच रेल्वेच्या डब्यातच जागा पकडण्यासाठी तुंबळ हाणामारी झाली. या घटनेचा व्हिडिओ तिथेच असलेल्या काही प्रवाशांनी आपल्या मोबाईलमध्ये रेकॉर्ड केला असून तो व्हिडिओ प्रचंड व्हायरल होत आहे.
हिजाब बंदी प्रकरणी सर्वोच्च न्यायालयाच्या निकालात मतभिन्नता; दोन्ही न्यायमूर्तींनी निर्णयात काय म्हटलं?
दरम्यान, काही दिवसांपूर्वी मुंबईत लोकल ट्रेनमध्येच महिला प्रवाशांची फ्रीस्टाईल हाणामारी झाल्याचं पाहायला मिळालं. ट्रान्स हार्बर लोकल मार्गावरील ठाणे ते पनवेल लोकलमध्ये हा प्रकार घडला. बसण्याच्या जागेवरुन झालेल्या क्षुल्लक वादातून महिला आपापसात भिडल्या. पनवेलच्या दिशेने जाणाऱ्या लोकलमध्ये ही जोरदार मारामारी झाली. हा प्रकार ट्रेनच्या डब्यातील इतर महिलांनी कॅमेरात कैद केला.
अनिल परबांचे रिसॉर्ट तोडण्यासाठी आर्थिक तरतूद करण्यात आली आहे; किरीट सोमय्यांकडून नवी अपडेट
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
