आता मृत्यूनंतर पुन्हा होऊ शकता जिवंत, अमेरिकेने शोधला पर्याय; १९९ मृतदेहांना देणार जीवनदान

वॉशिंग्टन : वेळ कधी कोणासाठी थांबू शकत नाही. पण हा प्रकृतीचा नियम विज्ञानाने थांबवला असल्याचं समोर आलं आहे. कारण अमेरिकेमध्ये चक्क काही लोकांनी आपली वेळ आणि मृत्यू थांबवला आहे. यावर तुमचा विश्वास नाही बसणार. पण हे खरं आहे. अमेरिकेच्या स्कॉट्सडेल, अॅरिझोना (Arizona) इथं काही लोकांसाठी वेळ आणि मृत्यू थांबला आहे. म्हणजेच आता त्यांच्या आयुष्याची वेळ थांबवली आहे आणि आता त्यांना मृत्यूही येणार नाही. कारण, त्यांनी आपले शरीर आणि मन द्रव नायट्रोजनमध्ये (Liquid Nitrogen)ठेवले आहे, तेदेखील भविष्यात पुन्हा जिवंत होण्यासाठी. अल्कोर लाईफ एक्स्टेंशन फाउंडेशनने (Alcor Life Extension Foundation)हा प्रकल्प आणला आहे.

अल्कोर फाऊंडेशनचे मुख्य कार्यकारी मॅक्स मोरे यांनी दिलेल्या माहितीनुसार, प्रत्यक्षात या प्रकल्पाचा उद्देश काही औरच आहे. हे लोक फक्त जिवंत परतण्यासाठीच नाही तर ज्या आजारांवर उपचार करता येत नाहीत, त्यावर उपचार घेण्यासाठी ते भविष्यात स्वत:ला परत आणू शकतात. १९९ लोकांपैकी बहुतेक लोक अशा प्राणघातक आजारांशी लढा देत आहेत ज्यांवर आज उपचार केले जात नाहीत. उदाहरणार्थ, कर्करोग, ALS किंवा दुर्मिळ रोग. सोप्या भाषेत सांगायचं झालं तर भविष्याचा वेध घेणारा हा प्रयोग आहे. यामध्ये एकाला बाहेर काढून त्याच्यावर उपचार केले जातील. जर त्यामध्ये यश आलं तर आणि आजार बरा झाला तर इतरांवरही उपचार केले जातील.

सहज फेरफटका मारण्यासाठी निघाले अन् लखपती होऊन घरी परतले, एका झटक्यात कसे झाले मालामाल…
१९९ च्या या यादीतील सर्वात तरुण व्यक्ती म्हणजे थायलंडमधील माथेरिन नोवरातपोंग ही ९ वर्षांची मुलगी. तिला मेंदूचा कर्करोग झाला आहे. तिचे आई-वडील दोघेही डॉक्टर आहेत. मॅथरिनवर अनेकदा मेंदूची शस्त्रक्रिया झाली आहे. पण त्याने ती बरी झाली नाही आणि तिचा मृत्यू झाला. त्यामुळे त्यांनी अल्कोर फाउंडेशनशी संपर्क साधला. या यादीत बिटकॉइन तज्ज्ञ हॅल फिनीचाही समावेश आहे. २०१४ मध्ये एएलएसमुळे त्यांचा मृत्यू झाला. तेव्हापासून त्याचा मृतदेह लिक्विड नायट्रोजन टाकीमध्ये सुरक्षित ठेवण्यात आला आहे. या प्रक्रियेला क्रायोप्रिझर्वेशन (Cryopreservation) म्हणतात.
क्रायोप्रिझर्वेशनची प्रक्रिया कधी सुरू होते?

क्रायोप्रिझर्वेशनची प्रक्रिया कायदेशीररित्या मृत घोषित केलेल्या व्यक्तीच्या नातेवाईकांच्या परवानगीने किंवा मृत्यूपूर्वी केली जाते. जेव्हा व्यक्ती अधिकृतपणे आणि कायदेशीररित्या मृत घोषित केली जाते तेव्हा क्रायोप्रिझर्वेशनची प्रक्रिया सुरू होते. यानंतर, मानवी शरीरातून रक्त आणि इतर द्रव काढून टाकले जातात. ते विशेष रसायनांनी भरलेले असतात जेणेकरून बर्फाचे स्फटिक शरीरात तयार होत नाहीत. यानंतर शरीराला एका विशिष्ट थंड तापमानात द्रव नायट्रोजनच्या टाकीमध्ये ठेवले जाते. अल्कोर फाऊंडेशनमध्ये असलेल्या लोकांचे मृतदेह स्कॉट्सडेल, ऍरिझोना इथे ठेवण्यात आले आहे.

भारतातील कफ सिरप बनवणाऱ्या कंपनीने ६६ मुलांचा जीव घेतला? WHO कडून मेडिकल अलर्ट जारी
शरीर सुरक्षित ठेवण्यासाठी मोजावी लागेल भली मोठी किंमत…

मॅक्स मोरे यांनी सांगितलं की, अल्कोर फाऊंडेशनचे सध्या १४०० जिवंत सदस्य आहेत. ज्यांनी भविष्यात आपले शरीर सुरक्षित ठेवण्यासाठी पैसे दिले आहेत. हे पैसे तुम्ही आयुष्यभर विमा कंपनीला द्याल तेवढेच आहे. तसे, मृतदेह टाकीत ठेवण्यासाठी किमान २ लाख डॉलर्स म्हणजेच १.६४ कोटी रुपयांहून अधिक रक्कम मोजावी लागते. जर तुम्हाला तुमचे शरीर सुरक्षित ठेवायचे असेल तर तुम्हाला ८० हजार डॉलर्स म्हणजेच ६५.८६ लाख रुपये द्यावे लागतील.

उच्च रक्तदाबाची ‘ही’ गोळी खाणं लगेच थांबवा, फार्मा कंपनीच्या निर्णयामुळे भीती वाढली