नाशिक : नाशिक शहरातील म्हसरूळ परिसरातील नामांकित डॉक्टर सतीश देशमुख यांचा उपचारा दरम्यान ३२ दिवसांनी मृत्यू झाला आहे. या डॉक्टरला त्यांची पत्नी आणि तिच्या प्रियकराने भुलीचे इंजेक्शन देऊन जीवे मारण्याचा प्रयत्न केला होता. या प्रकरणी नाशिक शहरातील म्हसरूळ पोलीस ठाण्यात गुन्हा दाखल करण्यात आला होता. या डॉक्टरला त्याच्या पत्नीच्या अनैतिक संबंधाची कुणकुण लागली होती. त्यामुळे त्याचा पत्नीशी वाद झाला होता.

या वादानंतर पत्नी आणि तिच्या प्रियकराने डॉक्टरला रुग्णालयातील एका खोलीत डांबून ठेवून भुलीचे इंजेक्शन देऊन जीवे ठार मारण्याचा प्रयत्न केला. या सर्व प्रकाराची माहिती डॉक्टरने आपल्या मुलाला सांगितल्यावर, मुलाने म्हसरूळ पोलीस ठाण्यात फिर्याद दिली होती. दरम्यान, सतीश देशमुख या डॉक्टरचा उपचारादरम्यान ३२ दिवसांनी मृत्यू झाला आहे.

Mumbai News : मुंबईकरांनो इकडे लक्ष द्या, ठाण्याकडे जाणारा ‘हा’ मार्ग ४ दिवस बंद; वाचा पर्यायी मार्ग
मयत डॉक्टर सतीश देशमुख याची ही दुसरी पत्नी असून तिच्या प्रियकरासोबत प्रेमात अडसर ठरणाऱ्या डॉक्टर पतीला संपवण्याचा प्रयत्न केला आहे. आणखी एक धक्कादायक बाब म्हणजे डॉक्टर देशमुख यांचे सुहासिनीसोबत अनैतिक संबंध होते. त्यामुळे त्यांच्या पहिल्या पत्नीने आत्महत्या केल्याची माहिती मिळाली आहे. या प्रकरणी डॉक्टर देशमुख यांनी आत्महत्येस प्रवृत्त केल्याप्रकरणी सहा वर्षे कारागृहात शिक्षा भोगली आहे.

दरम्यान, सुहासिनी देशमुख आणि अरुण कांडेकर असे या प्रकरणातील संशयित आरोपींची नावं असून दोघेही सध्या फरार आहेत. डॉक्टर देशमुख यांच्या खाजगी रुग्णालयात म्हणजेच परीक्षेत हॉस्पिटलमध्ये हा सगळा प्रकार घडला होता. सुहासिनी देशमुख आणि तिचा प्रियकर अरुण कांडेकर हे दोघेही १० सप्टेंबर रोजी रुग्णालयात असताना डॉक्टर देशमुख यांनी या दोघांच्या प्रेम संबंधाबाबत विचारणा केली होती. त्यानंतर या तिघांमध्ये जोरदार वाद झाला होता. वादानंतर रुग्णालयातून प्रियकर निघून गेला.

मुंबई एअरपोर्टवर व्यक्तीच्या बेल्टवर आला संशय, तपास करताच पोलीस हडबडले; सापडले तब्बल ५ कोटींचे….
रुग्णालयातच असलेल्या विश्रांती कक्षात जाऊन डॉक्टर पतीला संशयित सुहासिनी तिने मुलीचे इंजेक्शन देऊन मारण्याचा प्रयत्न केला. डॉक्टर देशमुख यांची दुसरी पत्नी सुहासिनी तिने डॉक्टर देशमुख कारागृहात शिक्षा भोगत असताना दुसऱ्या व्यक्तीशी विवाह केला होता. त्या व्यक्तीचा हृदयविकाराने मृत्यू झाला. डॉक्टर देशमुख कारागृहातून बाहेर आल्यानंतर त्यांच्या पहिल्या पत्नीच्या मुलांसह ते राहत होते .

सुवासिनी ही डॉक्टर देशमुख यांच्याकडे उपचार घेण्यासाठी आल्यानंतर डॉक्टर देशमुख आणि सुहासिनी पुन्हा एकत्र आले. डॉक्टर देशमुख सुहासिनी आणि अरुण यांच्या प्रेमात अडसर ठरत असल्याने डॉक्टर सतीश देशमुख यांना मुलीचे इंजेक्शन देऊन ठार करण्याचा प्रयत्न केला होता. हा प्रयत्न त्यावेळी यशस्वी झाला. डॉक्टर देशमुख यांच्यावर मागच्या गेल्या ३२ दिवसांपासून उपचार सुरू होता. अखेर काल डॉक्टर सतीश केशवराव देशमुख यांचा उपचारादरम्यान मृत्यू झाला.

धक्कादायक! पाणी समजून महिलेने प्यायलं सॅनिटायझर, पुढे जे घडलं ते वाचून काळजाचा ठोका चुकेल…

LEAVE A REPLY

Please enter your comment!
Please enter your name here