कव्वाली कार्यक्रमादरम्यान व्यासपीठावरुन हवेत गोळीबार केल्याचा प्रकार घडल्याच्या व्हिडीओ सध्या व्हायरल झाला आहे. सांगलीच्या इस्लामपूरमध्ये दोन दिवसांपूर्वी ईद-ए-मिलाद निमित्त कव्वाली कार्यक्रमाचे आयोजन करण्यात आले होते.

 

ex ncp councilar
सांगली: कव्वाली कार्यक्रमादरम्यान व्यासपीठावरुन हवेत गोळीबार केल्याचा प्रकार घडल्याच्या व्हिडीओ सध्या व्हायरल झाला आहे. सांगलीच्या इस्लामपूरमध्ये दोन दिवसांपूर्वी ईद-ए-मिलाद निमित्त कव्वाली कार्यक्रमाचे आयोजन करण्यात आले होते. यावेळी राष्ट्रवादी काँग्रेसच्या माजी नगरसेवकाने मंचावरून गोळीबार केला. या घटनेचा व्हिडीओ व्हायरल झाला आहे.

इस्लामपूर शहरात आशिकाने रसूल ग्रुप आणि अकिब भैय्या जमादार फ्रेंड्स सर्कल यांच्या वतीने पैगंबर जयंतीनिमित्त चाँदसाहब कादरी (दिल्ली) यांच्या कव्वालीचा कार्यक्रम आयोजित करण्यात आला होता. कव्वालीचा कार्यक्रम सुरू असताना एका व्यक्तीने व्यासपीठावरून हवेत गोळीबार केल्याचा व्हिडिओ सध्या व्हायरल झाला आहे. कार्यक्रम सुरू असताना मंचावर उपस्थित असलेल्या एका व्यक्तीने रिव्हॉल्वर काढून हवेत गोळीबार केला. हा व्यक्ती राष्ट्रवादीचा माजी नगरसेवक आहे.

व्हिडीओमध्ये पिवळ्या रंगाचा शर्ट परिधान केलेली एक व्यक्ती दोनदा हवेत गोळीबार करताना दिसत आहे. या प्रकरणी इस्लामपूर पोलीस ठाण्यात कोणत्याही प्रकारच्या गुन्ह्याची नोंद करण्यात आलेली नाही. सोशल मीडियावर सध्या हा व्हिडिओ व्हायरल झाला आहे. त्यामुळे आता इस्लामपूर पोलीस याची नोंद घेऊन तपास करत कारवाई करणार का, याकडे सगळ्यांचे लक्ष लागून राहिले आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here