शेअर बाजारात बंपर तेजी; सेन्सेक्स-निफ्टी हिरव्या चिन्हात, Infosys शेअर्समध्ये जबरदस्त वाढ
या तेजीने बीएसईवर सूचीबद्ध सर्व कंपन्यांचे मार्केट कॅप २७३.८२ लाख कोटी रुपयांवर पोहोचले. सेन्सेक्स १,०८७ अंकांनी वाढून ५८,३२२ अंकांवर उघडला. निफ्टीही ३०८8 अंकांनी वधारून १७३२२ च्या पातळीवर उघडला. सर्वात जास्त तेजी आयटी आणि बँकिंग शेअर्समध्ये दिसून आली. इन्फोसिसचा शेअर्स ५ टक्क्याने वधारला. सेन्सेक्स ११.३० वाजता १ हजार ४० अंकांनी वधारून २८२८२ वर व्यवहार करत होता.
या पाच कारणांमुळे तेजी
जागतिक संकेत
सहा दिवसांच्या घसरणीनंतर गुरुवारी अमेरिकेच्या शेअर बाजारात उसळी पाहायला मिळाली. डाओ जोन्स २.८ टक्के आणि नॅसडाॅक (Nasdaq) २.२ टक्के वधारले. अमेरिकेत महागाईचा दर जास्त असूनही बाजारात ही तेजी दिसून आली. अनेक विश्लेषकांच्या मते ही तेजी तांत्रिक कारणांमुळे दिसून आली आहे.
इन्फोसिसचे पुन्हा ‘बायबॅक’; ह्याचा अर्थ काय, जाणून घ्या गुंतवणूकदारांवर काय होईल परिणाम
कच्च्या तेलाच्या किमती
मंदीशी संबंधित चिंतेमुळे, ब्रेंट आणि डब्ल्यूटीआय क्रूड ऑइल या आठवड्यात तीन टक्क्यांनी घसरले. यापूर्वी सलग दोन आठवडे कच्च्या तेलाच्या किमतीत झेप घेतली होती.
डॉलर निर्देशांक
अमेरिकेत चलनवाढीची आकडेवारी जाहीर झाल्यानंतर डॉलर निर्देशांकात मोठी घसरण झाली. यामुळे शेअर बाजारही मजबूत झाला.
अमेरिका रशियाची कोंडी करणार; हिंदाल्को, वेदांत आणि नाल्कोचे शेअर्स वधारले, मार्केटवर युद्धाचं सावट
तांत्रिक बाबी
तांत्रिक घटक हे सूचित करत आहेत की येत्या काळात स्टॉक मार्केटमध्ये मोठ्या प्रमाणात उसळी येऊ शकते.
तिमाही निकाल
इन्फोसिसचे दुसऱ्या तिमाहीचे निकाल दलाल स्ट्रीटच्या अंदाजापेक्षा चांगले आहेत. निफ्टीमध्ये सर्वाधिक वाढ करणाऱ्यांमध्ये इन्फोसिसचा समावेश आहे. याशिवाय इतर अनेक आयटी कंपन्यांनी या आठवड्यात त्यांचे तिमाही निकाल जाहीर केले आहेत.
