multan hospital, रुग्णालयात ५०० हून अधिक मृतदेह आढळले; गच्चीत खच, अनेक अवयव गायब; परिसरात खळबळ – more than 500 bodies recovered from pakistans punjab nishtar hospital

निश्तार वैद्यकीय विद्यापीठाच्या निश्तार रुग्णालयातील व्हिडीओ समोर आला आहे. त्यात मृतदेह उघड्यावर पडलेले दिसत आहेत. अनेक मृतदेह कुजलेल्या स्थितीत आहेत. बरेचसे मृतदेह रुग्णालयाच्या गच्चीत आढळले आहेत. या मृतदेहांचे अनेक अवयव काढण्यात आले आहेत. घटना उघडकीस येताच नागरिक संतापले. लोकांमध्ये संतापाची लाट आहे. या प्रकरणी विभाग अधिकाऱ्यानं निश्तार रुग्णालयाच्या वैद्यकीय अधीक्षकांना पत्र लिहिलं आहे. घटनेची नोंद गांभीर्यानं घेण्यात आली असून चौकशीचे आदेश देण्यात आल्याची नोंद पत्रात आहे.
भयानक VIDEO; स्ट्रेचरचा निम्मा भाग आत गेला अन् अचानक रुग्णासह लिफ्ट खाली गेली अन् मग…
रुग्णालयात आढळून आलेल्या मृतदेहांचा तपास करून त्याचा चौकशी अहवाल तीन दिवसांत सादर करा. या प्रकरणाचा तपास तातडीनं आणि प्राधान्यानं करा, अशा सूचना पत्रातून देण्यात आल्या आहेत. पाकिस्तानच्या पंजाब प्रांताचे मुख्यमंत्री चौधरी परवेझ इलाही यांनी या प्रकरणाची दखल घेतली आहे. यासाठी जबाबदार असलेल्यांविरोधात कठोर कारवाई करण्याचे आदेश त्यांनी दिले आहेत. निश्तार रुग्णालयातील मृतदेह नीट न हाताळल्याप्रकरणाची चौकशी दक्षिण पंजाबच्या आरोग्य विभागानं सुरू केली आहे. त्यासाठी सहा सदस्यीय टीम तयार करण्यात आली आहे.