Pune Rains Update, पुन्हा पुणे तुंबले, मुसळधार पावसाने पुणेकरांची तारांबळ – heavy rains in pune latest update

पुणे : परतीच्या पावसाने संपूर्ण राज्यात अक्षरशः दाणादाण उडवली आहे. पुण्यात सुद्धा परतीच्या पावसाने पुणेकरांची धांदल उडाली. आतापर्यंत पावसाने मुंबईतील रस्ते जलमय झाल्याचे पाहायला मिळत होतं मात्र आता अवघ्या तास दीड तासाच्या पावसात पुण्यातील रस्त्याला तळ्याचे स्वरूप आल्याचे पाहायला मिळाले.

पुण्यातील पेठांचा भाग, कर्वे रस्ता, जंगली महाराज रस्ता आणि फर्ग्युसन रस्त्यावर पाणीच पाणी झाल्याचे चित्र होतं. आज सायंकाळी चार वाजल्यापासून शहरात मोठ्या प्रमाणात पाऊस झाला. साधारणपणे तासभर चाललेल्या जोरदार पावसामुळे शहरातल्या बहुतांश रस्त्यांना तळ्याचे स्वरूप आलं होतं. त्यामुळे छोट्या वाहनांना पाण्याने भरलेल्या रस्त्यावरून मार्ग काढणं अडचणीच जात होतं.

वाचा- जागतिक क्रिकेटमध्ये १५ वर्षानंतर होणार ही घटना; मोदी सरकारला न विचारता BCCIने…

यंदाच्या पावसाळ्यात पुणे ठिकठिकाणी तुंबलेले मिळाले. स्मार्ट पुणे असा गवगवा केलेल्या स्मार्ट पुण्याच्या कारभाऱ्यांना तुंबलेले पुणे ही सणसणीत चपराक असल्याचं आता सामान्य पुणेकर म्हणत आहेत. पुण्याच्या मध्यवर्ती भागाबरोबरच उपनगर म्हणजेच कात्रज, हडपसर, वारजे, कोंढवा, वडगाव, धायरी या भागातही मुसळधार पाऊस पडला आहे. उपनगरात अनेक भागात घराघरात पाणी शिरल्याच्या घटना देखील समोर आले आहेत.

वाचा- टी-२० वर्ल्डकपसाठी BCCIचा मोठा निर्णय; बुमराहच्या जागी मिळाली…

दरम्यान, महाराष्ट्रात पुढील दोन दिवसात पावसाचा प्रमाण कमी होणार असल्याचा अंदाज हवामान विभागाने वर्तवला आहे. तामिळनाडू पासून राजस्थान पर्यंत तयार झालेल्या द्रोनिय रेषेमुळे राज्यात मोसमी पाऊस अद्यापही सक्रिय असून कोकणासह मध्य महाराष्ट्रात शनिवार पर्यंत पाऊस कायम राहणार असल्याचे हवामान विभागाकडून सांगण्यात आला आहे.