SBI Fixed Deposit : नवीन व्याजदर २ कोटी रुपयांपेक्षा कमी एफडी (FD) वर लागू होतील. वाढलेले दर १५ ऑक्टोबर २०२२ पासून लागू होतील. बँकेने दोन महिन्यांच्या अंतरानंतर किरकोळ मुदत ठेवींवरील व्याजदरात वाढ केली आहे.
हायलाइट्स:
- भारतीय स्टेट बँकेने (SBI) २ कोटी पेक्षा कमी मुदत ठेवींवरील व्याजदरात वाढ केली आहे.
- नवीन दर १५ ऑक्टोबर म्हणजे आजपासून लागू झाले आहेत
- SBI आता सर्वसामान्यांसाठी ३.००% ते ५.८५% पर्यंत व्याजदर ऑफर करत आहे.
गृहकर्जावर मोठी सवलत, प्रक्रिया शुल्कही माफ; SBIची सणासुदीच्या निमित्त तुमच्यासाठी खास ऑफरएसबीआयने (SBI) ने सात दिवस ते ४५ दिवसांच्या FD वरील व्याजदर २.९० टक्क्यांवरून ३ टक्के केला आहे. त्याचप्रमाणे ४६ दिवस ते १७९ दिवसांच्या कालावधीसाठी व्याजदर चार टक्के करण्यात आला आहे. पूर्वी तो ३.९० टक्के होता. या वाढीनंतर १८० ते २१० दिवसांच्या कालावधीसाठी व्याजदर ४.५५ टक्क्यांवरून ४.६५ टक्के झाला आहे. तर २११ दिवस ते एका वर्षापेक्षा कमी मुदतीच्या ठेवींवर आता ४.७० टक्के व्याज मिळेल. आधी हा दर ४.६० टक्के होता.
सुकन्या समृद्धी की SBI मॅग्नम चिल्ड्रन बेनिफिट फंड; तुमच्या मुलाच्या भविष्यासाठी कोणती योजना फायदेशीर
त्याचप्रमाणे एक वर्ष ते दोन वर्षांसाठी व्याजदर ५.४५ टक्क्यांवरून ५.६० टक्के केला आहे. तर दोन वर्षे ते तीन वर्षांसाठी ५.५० टक्क्यांऐवजी ५.६५ टक्के व्याजदर असेल. तीन वर्षे ते पाच वर्षांच्या ठेवींवरील दर ५.६० टक्क्यांवरून ५.८० टक्क्यांपर्यंत वाढला आहे. पाच वर्षे ते १० वर्षांच्या कालावधीसाठीचा व्याजदर ५.६५ टक्क्यांवरून ५.८५% वर गेला आहे.
SBI ग्राहकांसाठी अलर्ट! आता ‘या’ प्रक्रियेशिवाय तुम्ही ATM मधून पैसे काढू शकणार नाही
ज्येष्ठ नागरिकांच्या एफडीवरील व्याजही वाढले
बँकेने ज्येष्ठ नागरिक एफडीवरील व्याजदरात ०.१० ते ०.२० टक्क्यांची वाढ केली आहे. दोन कोटी रुपयांपर्यंतच्या एफडीवर ही वाढ करण्यात आली आहे. आता सात दिवस ते ४५ दिवस या कालावधीसाठी ३.४ टक्क्यांऐवजी ३.५ टक्के व्याज मिळणार आहे. पाच वर्षे ते दहा वर्षांच्या कालावधीसाठीचा व्याजदर ६.४५ वरून ६.६५ टक्के करण्यात आला आहे. आरबीआने (RBI) ३० सप्टेंबर रोजी रेपो दरात ०.५० टक्केवाढ केली होती. यानंतर अनेक सरकारी आणि खासगी बँकांनी एफडीवरील व्याजदरात वाढ केली आहे.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
