tushar kapoor बॉलिवूड अभिनेता तुषार कपूर याने आपल्याला दिल्या गेलेल्या वागणुकीबद्दल खुलासा करत मनातील भावना बोलून दाखवल्या आहेत. प्रत्येक स्टार किडसाठी इण्डस्ट्री सारखी नाही असं त्याने म्हटलं आहे.
हायलाइट्स:
- प्रत्येक स्टार किडला दिली जाते वेगळी वागणूक
- पहिल्याच चित्रपटाला करिना आली होती उशिरा
- तासनतास वाट पाहत बसला होता तुषार कपूर
तुषारने नुकत्याच दिलेल्या एका मुलाखतीत त्याच्या भावना व्यक्त करत म्हटलं, ‘प्रत्येक स्टार किडसाठी रेड कार्पेट घातलं जात नाही. जेव्हा मी माझा पहिला चित्रपट केला होता ‘मुझे कुछ कहना है’ तेव्हा मला माझ्या एका को-स्टारसाठी खूप वेळ वाट पाहत बसावं लागलं होतं. दुसरी स्टारकिड करिनासाठी सुद्धा १२- १४ तास वाट पाहावी लागली होती कारण ती एकाच वेळेस ४ चित्रपटात काम करत होती. तिचा पहिलाच चित्रपट प्रदर्शित होणार होता पण तिची डिमांड एवढी होती की तिने तेव्हाच खूप जास्त चित्रपट साइन केले होते.’
तुषारने यापूर्वी दिलेल्या मुलाखतीत देखील या विषयावर भाष्य केलं होतं. तेव्हा त्याने म्हटलं होतं, ‘मी माझ्या वडिलांच्या चुकांमधून शिकलो. स्टार किड असल्यामुळे आम्हाला पहिला चित्रपट तर लगेच मिळतो पण पुढे अनेक गोष्टी आपल्या आपल्यालाच शिकायच्या असतात. आम्ही काहीही केलं तर आम्ही सगळ्यांच्या निशाण्यावर असतो.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
