T20 World Cup 2022 ला आजपासून सुरुवात, कोण आहेत प्रबळ दावेदार, बक्षीसाची रक्कम किती, जाणून घ्या प्रत्येक तपशील
शार्दुल ठाकूर आणि मिताली परुलकर यांचा गेल्या वर्षी २९ नोव्हेंबरला साखरपुडा झाला. मुंबईत एका साध्या सोहळ्यात दोघांनी एकमेकांसोबतच हे नातं एक पाऊल पुढे नेलं. या सोहळ्यात टीम इंडियाचा कर्णधार रोहित शर्माही उपस्थित होता. शार्दुल ठाकूर हा मुंबईचा रहिवासी असून तो त्याची गर्लफ्रेंड मिताली परुलकरसोबत अनेक दिवसांपासून रिलेशनशिपमध्ये होता. असे मानले जात आहे की पुढील वर्षी टी-२० विश्वचषकाच्या आसपास दोघेही लग्न करू शकतात.
T20 World Cup साठी ICC चे नियम, पाऊस पडला किंवा सामना टाय झाल्यास….
गोलंदाजीशिवाय शार्दुल ठाकूर बॅटनेही शानदार खेळी खेळतो. अलीकडेच, लखनऊमध्ये दक्षिण आफ्रिकेविरुद्धच्या पहिल्या वनडेत २५० धावांच्या लक्ष्याचा पाठलाग करताना भारतीय संघाने ५१ धावांत चार विकेट गमावल्या होत्या, पण सॅमसन (नाबाद ८६) आणि शार्दुल (३३) यांनी शानदार भागीदारी करून भारताच्या विजयाच्या आशा उंचावल्या. मात्र, त्या सामन्यात भारतीय संघाला नऊ धावांनी पराभव स्वीकारावा लागला होता.
पराभव न्यूझीलंडचा पण टेन्शन वाढलं भारताचं, मेलबर्नमध्ये पाकविरुद्ध कशी जिंकणार टीम इंडिया?
शार्दुलचा आंतरराष्ट्रीय विक्रम
शार्दुल ठाकूरने आतापर्यंत भारतासाठी ८ कसोटी, २७ एकदिवसीय आणि २५ टी-२० सामने खेळले आहेत. यादरम्यान शार्दुलने कसोटीत २७, एकदिवसीय सामन्यात ३९ आणि टी-२० आंतरराष्ट्रीय सामन्यात ३३ विकेट्स घेतल्या आहेत. याशिवाय, ठाकूरने आयपीएलमध्ये ७५ सामने खेळले आहेत आणि २८.५४ च्या सरासरीने आणि १८.९० च्या स्ट्राइक रेटने ८२ विकेट घेतले आहेत.
