‘सह्याद्री’त ३१० कोटींची परकीय गुंतवणूक; शेतकऱ्यांच्या मालकीच्या कंपनीत देशातील पहिली गुंतवणूकभारत गुंतवणूकीचे आकर्षक ठिकाण
या अहवालानुसार ७१ टक्के बहुराष्ट्रीय कंपन्यांनी (MNCs) जगातील त्यांच्या विस्तारासाठी भारताला गुंतवणूकीचे आकर्षक ठिकाण मानले आहे. तर ९६ टक्के लोकांनी भारतीय अर्थव्यवस्थेबाबत दीर्घकाळ सकारात्मक असल्याचे सांगितले. बहुराष्ट्रीय कंपन्यांनी जीएसटीमधील सुधारणा, डिजिटायझेशनला चालना, करातील पारदर्शकता आणि इतर सुधारणांचे कौतुक केले आहे.
भारतात परदेशी गुंतवणुकीचा ओघ वाढला, पण महाराष्ट्रात मागणी घटली
भारताची अर्थव्यवस्था चांगली कामगिरी करेल
गेल्या दशकात भारतात एफडीआयमध्ये सातत्याने वाढ होत आहे. या सर्वेक्षणात समाविष्ट बहुतेक बहुराष्ट्रीय कंपन्यांना वाटते की भारतीय अर्थव्यवस्था पुढील ३-५ वर्षांत चांगली कामगिरी करेल. अहवालात म्हटले आहे की सुधारणा आणि आर्थिक वाढीवर लक्ष केंद्रित करून भारत पुढील पाच वर्षात ४७५ अब्ज डॉलरची परकीय गुंतवणूक साध्य करू शकतो. २०२१-२२ या आर्थिक वर्षात भारतात ८४.८ अब्ज डॉलरची विक्रमी परकीय गुंतवणूक आली.
सलग ९व्या आठवड्यात परकीय चलन घटले; समजून घ्या अर्थ, अर्थव्यवस्थेवर याचा परिणाम काय?
परकीय चलनसाठा २० कोटी डॉलरने वाढला
भारताचा परकीय चलन साठा (India’s Foreign Exchange Reserves) ७ ऑक्टोबर रोजी संपलेल्या आठवड्यात २०.४ कोटी डॉलरने वाढून ५३२.८६८ अब्ज डॉलरवर गेला आहे. भारतीय रिझर्व्ह बँकेने (RBI) शुक्रवारी जारी केलेल्या आकडेवारीनुसार, सुरक्षित सोन्याच्या साठ्याचे मूल्य वाढल्यामुळे परकीय चलनाच्या साठ्यात वाढ झाली आहे. मागील आठवड्यात परकीय चलनाचा साठा ४.८५४ अब्ज डॉलरने घटून ५३२.६६४ अब्ज डॉलर झाला होता.
गेल्या काही आठवड्यांपासून देशाच्या परकीय चलनाच्या गंगाजळीत सातत्याने घट होत आहे. किंबहुना, वेगाने बदलणाऱ्या जागतिक परिस्थितीत RBI ने या परकीय चलनाच्या साठ्याचा काही भाग डॉलरच्या तुलनेत वेगाने घसरत असलेला रुपया हाताळण्यासाठी वापरला आहे. वर्षभरापूर्वी ऑक्टोबर २०२१ मध्ये देशाच्या परकीय चलनाच्या साठ्याने ६४५ अब्ज डॉलर्सचा उच्चांक गाठला होता.
