python ate a goat inside up school bus: उत्तर प्रदेशच्या रायबरेली जिल्ह्यातील एका शाळेच्या बसमध्ये अजगर सापडला. अजगर आढळल्याची बातमी पसरताच एकच खळबळ माजली. अजगर बसच्या इंजिनात अडकला होता. याची माहिती वन विभागाला देण्यात आली. त्यानंतर अजगराच्या सुटकेसाठी मोहिम हाती घेण्यात आली.
रायबरेलीच्या रायन इंटरनॅशनल स्कूलच्या बसमध्ये मोठा अजगर घुसल्याचं शहराच्या दंडाधिकारी पल्लवी मिश्रा यांनी सांगितलं. घटनेची माहिती देण्यात आल्यानंतर वन विभागाचं बचाव पथक घटनास्थळी पोहोचलं. सुट्टीचा दिवस असल्यानं शाळा बंद होती. त्यामुळे कोणतंही नुकसान झालं नाही, अशी माहिती मिश्रा यांनी दिली.
भाजपमध्ये चाललंय काय? नेत्यानं आपल्याच जिल्हाध्यक्षाचं पोस्टर फाडलं, त्यावर केली लघुशंका
घटनेचा व्हिडीओ सोशल मीडियावर व्हायरल झाला आहे. त्यात अजगराला बाहेर काढण्याचे प्रयत्न सुरू असल्याचं दिसत आहे. दोरी बांधून अजगराला खेचण्याचे प्रयत्न केले जात आहेत. अजगराचं डोकं इंजिनात अडकलं आहे. त्यामुळे त्याला बाहेर काढण्यासाठी वन विभागाला प्रयत्नांची पराकाष्ठा करावी लागत आहे.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
