murji patel angry supporters, Andheri Bypoll: मुरजी पटेलांना उमेदवारी मागे घेण्याचा पक्षादेश; कार्यकर्ते संतापले, ओक्साबोक्शी रडायलाच लागले – bjp murji patel withdraw nomination from andheri east bypoll angry supporters chant against mns chief raj thackeray after

अंधेरी पोटनिवडणुकीतून भाजप आऊट, मुरजी पटेल अपक्ष लढणार का? बावनकुळेंनी थेट उत्तर दिलं…

मुरजी पटेल अपक्षही लढणार नाहीत, ते पक्षादेशाचे पालन करतील: चंद्रशेखर बावनकुळे

भाजपचे प्रदेशाध्यक्ष चंद्रशेखर बावनकुळे यांनी थेट नागपुरमधून मुरजी पटेल हे अंधेरी पोटनिवडणुकीतून माघार घेत असल्याची घोषणा केली. या निवडणुकीत सौ. ऋतुजा लटके या निवडून याव्यात, त्यांच्या समर्थनार्थ आम्ही हा अर्ज मागे घेत आहोत. मुरजी पटेल हे अपक्षही लढणार नाहीत, एकदा भाजपचा उमेदवार जो होतो तो कधीही पक्षाच्या निर्णयाच्या विरोधात जात नाही, त्यामुळे मुरजी पटेल हे अपक्ष लढणार नाहीत, त्यांच्यावर शंका घेण्याचं कारण नाही, असे चंद्रशेखर बावनकुळे यांनी स्पष्ट केले.
अंधेरी पोटनिवडणुकीतून भाजपची माघार; पण शिंदे अन् ठाकरेंना एक-एक धक्का दिलाच

मुरजी पटेल काय म्हणाले?

पक्षाने जो आदेश दिला आहे तो मी पाळणारा कार्यकर्ता आहे. माझ्यावर अजिबात कोणाचा दबाव नाही. आणच्यासाठी भाजप आमची आई आहे. मरेपर्यंत पक्षासाठी काम करत राहू, पक्षाचा आदेश आमच्यासाठी सर्वस्व आहे. केंद्रीय आणि राज्यातील नेतृत्त्वाखाली आयुष्यभर काम करत राहू. पद असो नसो याचा काहीही फरक पडत नाही, अंधेरीच्या जनतेची सेवा आम्ही आयुष्यभर करत राहू. अंधेरीच्या जनतेने मला जी साथ दिली, ती अशीच पुढे देत राहिल. मी आधीही काम करत होतो, पुढेही करत राहिन. लोकांच्या सुख-दु:खा मी पहिले काम करायचो त्यापेक्षा ताकदीने काम करेन.