Akola Jilha parishad, अकोल्यात जोरदार राजकारण; जिल्हा परिषदेत वंचित, मविआत रस्सीखेच; भाजपनं भलताच गेम केला – vanchit keeps akola jilha parishad after bjp skips voting blow to mva

अकोला : अकोला जिल्हा परिषद अध्यक्ष, उपाध्यक्षपदाची निवडणूक आज पार पडली. सत्ताधारी व विरोधकांकडून राजकीय हालचालींना चांगलाच वेग आला होता. परंतु आता निकाल हाती आले आहेत. यात अकोला जिल्हा परिषदेमध्ये प्रकाश आंबेडकर यांची सत्ता कायम राहली. निवडणुकीत भाजप गैरहजर राहल्याने वंचितचा विजयाचा मार्ग सुकर झाला. अध्यक्ष पदाच्या निवडणुकीत संगीता अढाऊ तर उपाध्यक्ष पदाच्या निवडणुकीत सुनिल फाटकर हे विजयी झाले आहेत. हे दोन्ही उमेदवार वंचित बहुजन आघाडीचे आहेत.

अकोला जिल्हा परिषद अध्यक्षपदाचे आरक्षण सर्वसाधारण महिलेसाठी राखीव होतं. २०२० मध्ये झालेल्या निवडणुकीत वंचित बहुजन आघाडीने स्वबळावर लढत सर्वाधिक २३ जागांवर (एका पुरस्कृतसह ) विजय प्राप्त केला. तर शिवसेना १३, भाजप ७, काँग्रेस ४, राष्ट्रवादी काँग्रेस ३, तीन अपक्षांनी बाजी मारली होती. मात्र ओबीसी आरक्षण संपुष्टात आल्याने गतवर्षी १४ जागांवर निवडणूक झाली. जूनमध्ये पुन्हा एका जागेसाठी पोटनिवडणूक झाली. सद्यस्थितीत ५३ सदस्य संख्या असलेल्या जिल्हा परिषदेत’वंचित’चे सर्वाधिक २५ सदस्य आहेत. दरम्यान अकोला जिल्हा परिषदेचे अध्यक्ष, उपाध्यक्षपद वंचितकडे गेले. महाविकास आघाडीकडून अध्यक्ष, उपाध्यक्ष पदाच्या निवडणुकीच्या रिंगणात किरण अवताडे, सम्राट जयराम डोंगरदिवे उभे होते. या दोन्ही उमेदवारांना प्रत्येकी २३ मतं मिळाली आहेत. तर दोन्ही वंचितच्या विजय उमेदवाराला प्रत्येकी २५ मतं मिळाली.
पाटणकरांना झटका, शंभूराजांनी ६० वर्षानंतर ग्रामपंचायत हिसकावली
निवडणुकीत भाजप गैरहजर राहल्याने वंचितचा विजय
५३ सदस्यीय जिल्हा परिषदेत सत्ता स्थापनेसाठी २७ सदस्यांचे संख्याबळ आवश्यक आहे. त्यामध्ये सर्वाधिक सदस्यसंख्या असलेल्या वंचित बहुजन आघाडी यांच्याकडे २५ सदस्यांचे संख्याबळ असले आहे, तरीही बहुमताचा आकडा गाठण्यासाठी त्यांना आणखी दोन सदस्यांचे पाठबळ आवश्यक होते. तसेच २३ सदस्यसंख्या असलेल्या महाविकास आघाडीला आणखी चार सदस्यांचे पाठबळ आवश्यक होते. मात्र अध्यक्ष, उपाध्यक्ष पदासाठी झालेल्या निवडणुकीत भाजप गैरहजर राहल्याने याचा फायदा वंचित बहुजन आघाडीला झाला. आणि वंचितचे अध्यक्ष पदाच्या निवडणुकीत संगीता अढाऊ तर उपाध्यक्ष पदाच्या निवडणुकीत सुनिल फाटकर हे विजयी झाले.
Andheri Bypoll: मुरजी पटेलांना उमेदवारी मागे घेण्याचा पक्षादेश; कार्यकर्ते संतापले, ओक्साबोक्शी रडायलाच लागले
सहा पैकी चार पदे वंचितकडे
सद्यस्थितीत ६ पैकी ४ पदे वंचित बहुजन आघाडीकडे आहे. त्यामध्ये अध्यक्ष, उपाध्यक्ष व दोन सभापतींचा समावेश आहे. तर दोन सभापतीपदे महाविकास आघाडीकडे (प्रहार व अपक्ष) आहेत. त्यामुळे दोन्ही बाजूने सत्ताधारी व विरोधक अशी काहीशी स्थिती सध्या होती. दरम्यान, २०१९ साली झालेल्या लोकसभा निवडणुका आणि त्यापाठोपाठ झालेल्या महाराष्ट्र विधानसभा निवडणुकांमध्ये प्रकाश आंबेडकर यांच्या वंचित बहुजन आघाडीला फारसा प्रभाव पाडता आलेला नसला, तरी अकोला जिल्हा परिषदचा वंचितचा निकाल पाहता. अकोला जिल्हा परिषदमध्ये वंचित बहुजन आघाडीचं वर्चस्व कायम राहलं.

जिल्हा परिषदेतील पक्षीय बलाबल-
एकूण जागा : ५३
वंचित बहुजन आघाडी : २५
उद्धव बाळासाहेब ठाकरे (शिवसेना) : १२
भाजप : ०५
काँग्रेस : ०४
राष्ट्रवादी : ०४
प्रहार : ०१
अपक्ष : ०२