रायगड : रायगड जिल्ह्यातील १६ ग्रामपंचायतीच्या निवडणूक निकाल जाहीर झाल्यानंतर शिंदे गट शिवसेनेला त्याच बरोबर शेकापला अनपेक्षित धक्के बसले असून महाविकास आघाडीने मात्र चांगलीच मुसंडी मारली आहे. आगामी जिल्हा परिषद आणि विधानसभा निवडणुकीच्या दृष्टीने नुकत्याच झालेल्या ग्रामपंचायत निकालाला राजकीय वर्तुळात महत्त्व दिले जात आहे.

आज सकाळी रायगड जिल्ह्यातील १६ ग्रामपंचायतीच्या निवडणुकीतील मतदान मोजणीला सुरुवात झाल्यानंतर काही वेळात सर्वत्र निकाल जाहीर करण्यात आले. जिल्ह्यातील १६ पैकी ५ ग्रामपंचायती महाविकास आघाडीने जिंकल्या तर शिवसेनेच्या शिंदे गटाने ४, भाजपने २ आणि शिवसेनेच्या ठाकरे गटाने १, शेकापने १ व स्थानिक आघाड्यांनी ३ ग्रामपंचायती जिंकल्या.

Grampanchayat Result : काँग्रेसच्या एका आमदाराने निवडणूक गाजवली, तब्बल ३९ ग्रामपंचायतींचा विजय खेचून आणला
रायगड जिल्ह्यातील ग्रामपंचायत निवडणुकीमध्ये शिंदे गटाचे पक्षप्रतोद भरत गोगावले आणि खालापूर आमदार महेंद्र थोरवे हे दोन्ही आमदारांना त्यांच्या हक्काच्या मतदारसंघांमध्ये पराभवाला सामोरे जावे लागले तर अलिबागमध्ये शेकापच्या जयंत पाटलांना देखील धक्का बसला. जिल्ह्यातील १६ ग्रामपंचायतीच्या ११६ जागांसाठी निवडणूक शांततेमध्ये पार पडली. निवडणूक काळामध्ये कोणताही अनुचित प्रकार घडू नये यासाठी पोलीस बंदोबस्त चोख ठेवण्यात आला होता. निवडणुकीमध्ये सरपंचपदासाठी ३६ तर सदस्यपदासाठी २१६ उमेदवार निवडणुकीच्या रिंगणात होते. आगामी जिल्हा परिषद निवडणुकीची तसेच विधान सभा निवडणुकीची रंगीत तालीम म्हणून या निवडणुकीकडे पाहिले जात होते. सोमवारी सकाळी या सर्व ग्रामपंचायतीसाठी मतमोजणी प्रक्रीया शांततेत पार पडली. यावेळी प्रस्थापितांना मतदारांनी धक्के दिल्याचे पाहायला मिळाले.

अलिबाग तालुक्यातील नवगाव आणि वेश्वी ग्रामपंचायतीत शेकापला शिवसेना शिंदे गट प्रणित महाआघाडीने धक्का दिला. दोन्ही ग्रामपंचायतीत शेकापचे सरपंचपदाचे उमेदवार पराभूत झाले. विशेष म्हणजे आमदार जयंत पाटील यांचे वास्तव्य असलेल्या वेश्वी ग्रामपंचायतीत शेकापला पराभवाला सामोरे जावे लागले. पक्षांतर्गत बंडखोरीमुळे शेकापला धक्का बसला. दोन्ही ठिकाणी सरपंच पदाचे उमेदवार पराभूत झाले असले तरी शेकापचे सदस्य जास्त निवडून आले.

Grampanchayat Result : डंका कोणाचा! ११ पैकी १० जागा जिंकल्या पण अवघ्या १ मताने विजय झाल्याने गेम पालटला

महाड तालुक्यात शिंदे गटाचे पक्ष प्रतोद असलेल्या आमदार भरत गोगावले यांना महाविकास आघाडीने धक्का दिला. काळीज खरवली अत्यंत प्रतिष्ठेची समजली जाणाऱ्या ग्रामपंचायत निवडणुकीत महाविकास आघाडीचे सरपंच चैतन्य म्हामूणकर निवडून आले. दहा सदस्य निवडून येऊनही गोगावले यांना पराभवाला सामोरे जावे लागले. पोलादपूर तालुक्यामधील तीन ग्रामपंचायती मात्र शिवसेनेच्या शिंदे गटाने जिंकल्या. तर चौथी ग्रामपंचात मनसे प्रणित आघाडीने ताब्यात घेतली.

माणगावमधील तीन ग्रामपंचायतीपैकी एक ग्रामपंचायत शिवसेना ठाकरे गटाने, १ ग्रामपंचायत शिवसेना शिंदे गटाने तर एक शेकापने राखली. खालापूर तालुक्यात महाविकास मुसंडी मारली असून आमदार महेंद्र थोरवे यांना आघाडीने पराभूत केले. चौक, आसरे आणि लोधीवली या तीन ग्रामपंचायती शिवसेना ठाकरे गट प्रणित महाविकास आघाडीने राखल्या. तर तुपगाव ग्रामपंचात भाजपने जिंकली. याशिवाय पनवेलमधील खैरणे ही ग्रामपंचायत भाजपने शेकापकडून खेचून घेतली. जिल्ह्यातील ग्रामपंचायतच्या निकालावरून मतदारांनी स्थानिक प्रस्थापितांना चांगलेच धक्के दिले असल्याचे पहावयास मिळाले.

Grampanchayat Result: फक्त शिंदे गटाचाच बोलबाला; १७ पैकी ११ ग्रामपंचायतीवर विजय, ठाकरे गटाला मोठा धक्का

LEAVE A REPLY

Please enter your comment!
Please enter your name here