सुरुवातीच्या व्यवहारात दोन्ही प्रमुख निर्देशांक सेन्सेक्स आणि निफ्टी हिरव्या चिन्हांसह उघडले. बीएसईचा ३० शेअर्स असलेला सेन्सेक्स ३३३ अंकांनी वाढून ५८,७४४.१३ अंकांवर उघडला. याशिवाय ५० शेअर्सचा एनएसई निफ्टीही हिरव्या रंगात उघडला. कच्च्या तेलाच्या किमतीत किंचित वाढ झाली आणि ब्रेंट क्रूड प्रति बॅरल ९१.८९ डॉलरवर पोहोचले. काही वेळानंतर सेन्सेक्स ५०३.१७ च्या वाढीसह ५८,९१४ च्या पातळीवर व्यवहार करताना दिसला.
बँकिंग स्टॉक बनला रॉकेट! किंमतीने विक्रमी उच्चांक गाठला, काय आहे ब्रोकरेजचा सल्ला
आशियाई बाजारात तेजीचा कल
दुसरीकडे, जागतिक बाजारातून मिळालेल्या चांगल्या संकेतांमुळे आशियाई बाजार तेजीत राहिला. SGX निफ्टी १४० अंकांच्या वाढीसह १७४४२ च्या पातळीवर व्यवहार करत आहे. सोमवारच्या निकालांच्या आधारे अमेरिकन बाजार २ ते ३.५ टक्क्यांनी उसळी घेऊन बंद झाले. डाऊ जोन्स ५५१ अंकांनी वाढून ३०१८६ वर तर Nasdaq ३५४ अंकांनी वाढून १०६७६ च्या पातळीवर बंद झाला. तसेच S&P ५०० २.६५ टक्क्यांनी वाढला.
Multibagger Stock: शेअर्सने १ लाखाचे केले ३२ लाख, आता शेअर्स स्प्लिट करण्याची घोषणा
शेअर्सची सुरुवातीची स्थिती
आज सेन्सेक्समधील ३० पैकी फक्त एक शेअर घसरणीसह व्यवहार करत आहे आणि निफ्टीच्या ५० पैकी ४६ समभागांमध्ये वाढीचे हिरवे चिन्ह दिसत आहेत. घसरणीचे लाल चिन्ह केवळ ४ समभागांवर दिसत आहे. जागतिक बाजारातून मिळालेल्या सकारात्मक संकेतांदरम्यान मंगळवारी बाजाराच्या सुरुवातीच्या सत्रात बँक, वाहन, धातू आणि आयटी क्षेत्रातील समभागांची खरेदी दिसून आली. ऑटो इंडेक्समध्ये सर्वाधिक १.०३ टक्के वाढ दिसून आली. भारती एअरटेल आणि अल्ट्राटेक सिमेंट आघाडीवर आहेत.
Electronics Martचे जबरदस्त लिस्टिंग! गुंतवणूकदार पहिल्याच दिवशी मालामाल
कोणते शेअर्स वाढले
सेन्सेक्समध्ये आज भारती एअरटेल, एसबीआय, M&M, एल अँड टी, विप्रो, अल्ट्राटेक सिमेंट, एशियन पेंट्स, रिलायन्स, आयटीसी, एचसीएल टेक, मारुती, एचयूएल, टीसीएस, टाटा स्टील, इन्फोसिस, नेस्ले, टायटन, आयसीआयसीआय बँक, बजाज फायनान्स, इंडसइंड बँक. एचडीएफसी बँक, डॉ रेड्डीज लॅब्स, टेक महिंद्रा, एनटीपीसी, एचडीएफसी बँक, कोटक महिंद्रा बँक, बजाज फिनसर्व्ह, सन फार्मा आणि एचडीएफसी शेअर्समध्ये उसळी पाहायला मिळत आहे.
