भाविश अग्रवाल हे ओला कंपनीचे संस्थापक आणि मुख्य कार्यकारी अधिकारी आहेत. भावीश अग्रवाल यांनी आयआयटी मुंबईमधून संगणक विज्ञान आणि अभियांत्रिकीमध्ये बीटेक केले आहे. भाविश अग्रवाल यांनी मायक्रोसॉफ्टची नोकरी सोडून २०१० मध्ये ओला कॅब्स कंपनीची स्थापना केली. भाविश अग्रवाल हे अथक मेहनती आणि जिद्दी स्वभावाचे उद्योजक मानले जातात.
भाविश अग्रवाल यांनी ओला कंपनीतील शक्तिशाली प्रतिस्पर्धी उबेर कॅबला मागे टाकले आहे. आता भाविश अग्रवाल यांचे स्वप्न आहे की, ओला इलेक्ट्रिकने जगातील सर्वात श्रीमंत व्यक्ती एलोन मस्कच्या टेस्ला इंक आणि चीनच्या BYD Co.Ltd सारख्या इलेक्ट्रिक वाहन कंपन्यांना मागे टाकायचे.
एलन मस्क मैदानात उतरणार, थेट रिलायन्स जिओला भिडणार
आव्हाने
ओला कंपनी तिच्या पुरवठा साखळीच्या समस्येशी झुंज देत आहे. त्यामुळे कंपनी आपल्या दुचाकी इलेक्ट्रिक वाहनाला ग्राहकांपर्यंत पोहचवायला उशीर करत आहे. याशिवाय ओला इलेक्ट्रिक दुचाकी आग लागल्याच्या तक्रारी येत आहेत. तर काही ग्राहक बॅटरीमधील समस्या सांगत आहेत. तसेच या दुचाकीच्या सॉफ्टवेअरबाबत तक्रारी येत आहेत. याशिवाय कंपनीत काम करणाऱ्या ३ डझनहून अधिक वरिष्ठ अधिकारी आणि कर्मचाऱ्यांनी १ ते २ वर्षांत नोकरी सोडली आहे. या सगळ्याचे कारण अग्रवाल यांचे कार्यशैली असल्याचे मानले जात आहे. त्यामुळे ओला इलेक्ट्रिकचे व्यवस्थापक आणि बोर्ड मेंबर्स नाराज झाले होते. याशिवाय अग्रवाल यांनी एएनआय टेक्नॉलॉजीची प्रारंभिक समभाग विक्री (IPO) देखील थांबवली आहे.
बाजाराच्या तडाख्यात जगातील कोट्यधीशही फसले, अदानी-अंबानींची नेटवर्थ एका झटक्यात घटली
भाविश अग्रवाल बनू शकतात भारताचे एलोन मस्क
भारत हा जगातील सर्वात मोठा दुचाकी उत्पादक देश आहे. आणि सर्वात मोठी जागतिक बाजारपेठ देखील आहे. रिसर्च अँड मार्केट्सच्या मते, या दशकाच्या अखेरीस भारत इलेक्ट्रिक टू व्हीलरसाठी १५० अब्ज डॉलरची बाजारपेठ बनेल. या विस्तारणाऱ्या इलेक्ट्रिक वाहनांच्या बाजारपेठेत दुचाकी इलेक्ट्रिक वाहन सेगमेंटवर पकड मिळवल्यानंतर, ओला कंपनीने कारची डिझाइनची एक छोटीशी झलक दाखवली. ओला इलेक्ट्रिकच्या बंगळुरू मुख्यालयात गेल्या महिन्यात एका मुलाखतीत अग्रवाल म्हणतात की, आमचा मार्ग सोपा नाही. आमचे ध्येय आणि आकांक्षा जास्त आहेत. म्हणूनच आम्ही स्वतःसाठी आणि कंपनीसाठी कोणताही सोपा मार्ग स्वीकारू इच्छित नाही.
अग्रवाल पुढे म्हणतात की टेस्लाची सर्वात स्वस्त कार सुमारे ५० हजार डॉलर्स आहे. जे विकत घेण्याच्या प्रत्येकाच्या क्षमतेपलीकडे आहे. त्यामुळे आम्हाला १ हजार ते ५० हजार डॉलर्सच्या पर्याय देऊन इलेक्ट्रिक कार क्षेत्राचे नेतृत्व करण्याची संधी आहे.
Tesla च्या कार्समध्ये मोठा दोष, कंपनीने तब्बल ११ लाख गाड्या परत मागवल्या
ओला इलेक्ट्रिक दुचाकीची निर्मिती
भावीश अग्रवाल यांनी २०१७ मध्ये इलेक्ट्रिक व्हेईकलची स्थापना केली. अग्रवाल यांच्यासाठी इलेक्ट्रिक वाहनांचा व्यवसाय पूर्णपणे वेगळा होता. अग्रवाल यांनी ओला ब्रँडचे नाव वापरून व्यवसाय सुरू केला असला तरी , हा व्यवसाय खूप जास्त भांडवलाची गरज असणारा होता होता.
अग्रवाल यांनी आपला बहुतांश वेळ ओला इलेक्ट्रिकला देण्यास सुरुवात केली. २०२१ मध्ये, अग्रवाल यांनी मीडियासमोर २ दशलक्ष इलेक्ट्रिक स्कूटरची क्षमता असलेला ३०० दशलक्ष डॉलरचा दुचाकी इलेक्ट्रॉनिक्स प्लांट तयार करण्याचा उल्लेख केला. २०२१ मध्येच अग्रवाल यांनी कंपनीची पहिली स्कूटर बाजारात आणली. कंपनीने बॅटरी पॅकमध्ये अल्ट्रासोनिक फ्रिक्शन वेल्डिंगसारखे नाविन्यपूर्ण तंत्रज्ञान वापरले.
याशिवाय असेंबली लाईनमध्ये रोबोटिक आणि लो नॉइज तंत्रज्ञानाचा वापर करण्यात आला आहे. पण कंपनीच्या इलेक्ट्रिक ओला स्कूटरला आग लागणे आणि बॅटरी सॉफ्टवेअर खराब होणे या सारख्या समस्या सध्या उद्भवत आहेत.
नुकत्याच दिलेल्या ब्लूमबर्ग मुलाखतीत अग्रवाल म्हणाले की, ओलाच्या फ्युचर फॅक्टरीत उत्पादन वाढत आहे. भारत हा विकसनशील देश असल्याचे आपण नेहमीच ऐकत आलो आहोत. भारताला विकसित राष्ट्रात बदलायला हवे हीच आमच्या पिढीला विनंती आहे. पण आता वेळ आली आहे की, आपल्या जबाबदारी आणि संधींचा गांभीर्याने स्वीकार करण्याची आणि त्यावर अंमलबजावणी करण्याची!
