महागाईने केला सर्वसामान्यांचा खिसा रिकामा; दिवाळीच्या तोंडावर सगळ्याच वस्तूंची दरवाढ
आयातदारांवर बोजा
देशातील एंट्री लेव्हल स्मार्टफोन (Entry-level smartphone) विक्री अलीकडच्या काळात कमी झाली आहे. सलग १२व्या महिन्यात स्मार्टफोन शिपमेंटमध्ये घट झाली आहे. नोव्हेंबरनंतर स्मार्टफोनच्या किमतीत वाढ होण्याची शक्यता आहे. रुपया कमकुवत झाल्याने आयातदारांवरील बोजा वाढला आहे. त्यामुळे गेल्या काही महिन्यांत डॉलरच्या मजबूत होण्याचा भार कोणताही स्मार्टफोन ब्रँड उचलणार नाही. स्मार्टफोनच्या किमती वाढवून याचा भार ग्राहकांवर टाकला जाईल.
महागाईशी लढा आणखी किती काळ? मंदीच्या छायेत RBI कडून महत्त्वाचं निरीक्षण
रुपया आणखी घसणार?
अमेरिकेतील चलनवाढीवर नियंत्रण ठेवण्यासाठी केंद्रीय बँक फेडरल रिझर्व्ह आक्रमकपणे व्याजदर वाढवत असल्याने डॉलरमध्ये मजबूती दिसून येत आहे. अमेरिकेत चलनविषयक धोरण कडक केले गेले, तर आगामी काळात डॉलर आणखी मजबूत होऊ शकतो. त्यामुळे रुपयाचे मूल्य आणखी घसरू शकते.
महागाई दर ७.४१ टक्क्यांवर पोहचला याचा अर्थ काय? तुमच्यावर कसा होतो परिणाम
दबावाचा सामना
सणासुदीच्या हंगामानंतर स्मार्टफोनच्या किमती वाढू शकतात, विशेषत: एंट्री लेव्हलच्या स्मार्टफोन (Entry-level smartphone) च्या किमतीत पाच-सात टक्क्यांनी वाढ होऊ शकते, असे तज्ज्ञांचे मत आहे. गेल्या १२ महिन्यांपासून स्मार्टफोन विकणाऱ्या कंपन्यांना वाढत्या किमतीमुळे व्यावसायिक दबावाचा सामना करावा लागत आहे.
विक्रीत घट
एका तज्ज्ञाने सांगितले की, परकीय चलन दरात चढ-उतार झाला तर बजेट स्मार्टफोन्सच्या आयातीवर मोठा परिणाम होतो. सणासुदीचा हंगाम संपला की, कंपन्या हा बोजा ग्राहकांवर टाकू लागतील. किमतीत वाढ झाल्यामुळे एंट्री लेव्हल स्मार्टफोनच्या विक्रीत घट दिसून येते. आधीच्या अंदाजानुसार स्मार्टफोन विक्रीत घट येण्याची शक्यता आहे.
