टाटा समूहाचा हा शेअर घसरतोय; गुंतवणूकदारांचे नुकसान, ३ महिन्यांच्या नीचांकी पातळीवर भाव
महाराष्ट्र सीमलेसने १:१ च्या प्रमाणात बोनस शेअर्सची शिफारस केली आहे. म्हणजे जर तुमच्याकडे १० शेअर्स असतील तर आणखी १० शेअर्स जारी केले जातील. मंगळवारी बाजार बंद होताना महाराष्ट्र सीमलेस स्टॉक बीएसईवर रु. ८११.६० वर व्यवहार करत होता.
गुंतवणूकदारांसाठी मल्टीबॅगर ठरला
महाराष्ट्र सीमलेस आपल्या गुंतवणूकदारांसाठी मल्टीबॅगर स्टॉक असल्याचे सिद्ध झाले आहे. कंपनीच्या समभागांनी एका वर्षात ६२ टक्के आणि गेल्या ६ महिन्यांत ४५ टक्के परतावा दिला आहे. याशिवाय गेल्या दोन वर्षांत त्यांचा स्टॉक २१८ रुपयांवरून ९१८ रुपयांवर गेला आहे. म्हणजेच दोन वर्षांत गुंतवणूकदारांचे भांडवल चौपट झाले. जर एखाद्याने २ वर्षांपूर्वी १ लाख रुपये गुंतवले असतील तर त्याच्या स्टॉकची किंमत ४ लाखांपर्यंत पोहोचली असती.
लक्ष्मी माताची कृपा होणार! दिवाळीच्या मुहूर्तावर हे शेअर्स खरेदी करा आणि तगडा परतावा मिळवा
दरम्यान, बोर्डाने १७ ऑक्टोबर २०२२ पासून कंपनीचे मुख्य वित्तीय अधिकारी (CFO) म्हणून सरत कुमार मोहंती यांची नियुक्ती करण्यास मान्यता दिली आहे. तसेच पुनर्वर्गीकरण आणि अधिकृत भांडवलात वाढ करण्यास व कंपनीच्या मेमोरँडम ऑफ असोसिएशनमध्ये आवश्यक बदल करण्यास मान्यता दिली असून ती भागधारकांच्या मान्यतेच्या अधीन आहे.
मंगळवारच्या भांडवली बाजारातील व्यवहारात हा ठरला गुंतवणूकदारांचा टॉप ट्रेंडिंग स्टॉक
कंपनीचा नफा वाढला
दुसरीकडे, चालू आर्थिक वर्षाच्या सप्टेंबर २०२२ ला संपलेल्या दुसऱ्या तिमाहीत कंपनीचा निव्वळ नफा ९४% वाढून रु. १७६.५ कोटी झाला आहे जो सप्टेंबर २०२१ ला संपलेल्या मागील तिमाहीत रु. ९१ कोटी होता. दरम्यान, आर्थिक वर्ष २०२२-२३ च्या दुसऱ्या तिमाहीत त्याचा महसूल ४८% वाढून रु. १,४१४ कोटींवर पोहोचला आहे, जो मागील वर्षीच्या तिमाहीत रु. ९५१ कोटी होता.
कंपनीचा व्यवसाय
महाराष्ट्र सीमलेस लिमिटेड (एमएसएल) वर्ष १९८८ मध्ये अंतर्भूत केलेल्या सीमलेस आणि ERW स्टील पाईप्स आणि ट्यूब्सच्या निर्मितीचे काम करते. MSL ही DP जिंदाल समूहाची प्रमुख कंपनी आहे आणि तिचे नेतृत्व कार्यकारी अध्यक्ष डी. पी. जिंदाल आणि व्यवस्थापकीय संचालक साकेत जिंदाल करतात. महाराष्ट्र सीमलेसने नवीकरणीय ऊर्जा निर्मिती आणि ब्राझीलमधील अमापा येथील लोहखनिज खाणीतील भागभांडवल विकत घेण्याच्या व्यवसायातील पोर्टफोलिओमध्ये विविधता आणली आहे.
