Pune : दिवाळीला गावी जाण्यासाठी प्रवाशांची गर्दी, शिवाजीनगर बस स्थानकावर मोठा गोंधळ – passengers huge crowd in shivaji nagar bus stand pune

पुणे : महाराष्ट्राच्या वेगवेगळ्या भागातून नागरिक पुण्यात कामानिमित्त येत असतात. नोकरदारवर्ग देखील पुण्यात मोठ्या संख्येने आहे. त्याचसोबत विद्यार्थ्यांची संख्याही मोठी आहे. आता दिवाळीला काहीच दिवस बाकी असल्याने पुण्यातून चाकरमान्यांनी आपल्या गावाचा रस्ता धरला आहे. त्यासाठी पुण्यातील वाकडेवाडी बस स्थानक, स्वारगेट बस्थानकांवर गावी जाणाऱ्यांची मोठी गर्दी होत आहे.

मात्र, पुण्यातील शिवाजीनगर (वाकडेवाडी) बस स्थानकावर काल रात्री मोठा गोंधळ झाला. एसटी बसचे वेळापत्रक कोलमडल्याने प्रवाशांचे मोठे हाल झाले. त्यात एसटी प्रशासन देखील उद्धट उत्तरं देत असल्याचा आरोप करत प्रवाशांनी संताप व्यक्त केला. दिवाळीनिमित्त एसटी प्रशासनाने केलेले नियोजन मात्र पुण्यात पूर्णपणे कोलमडल्याचेच चित्र दिसले आहे.

एका प्रवाशाने पुण्यातून मालेगावला जाण्यासाठी चोपडा गाडीचे तिकीट काढले होते. एसटी बसची वेळ सात वाजल्याची होती. मात्र रात्री साडे दहापर्यंत बस आलीच नाही. तर कोणीही याबाबत उत्तर देत नाही. उलट उद्धट बोलत असल्याचे सांगत प्रवाशाने मनस्ताप व्यक्त केला.

पोलिसांनी गाडी पकडली अन् ट्रेन चुकली; निषेध करत भरदुपारी थेट रस्त्यावरच झोपला तरुण

दुसरीकडे, २० ऑक्टोबरपासून ३१ ऑक्टोबरपर्यंत प्रवाशांकडून १० टक्के वाढीव दराने भाडे आकारणी करण्यात येणार आहे. एसटी महामंडळाकडून साधारणपणे ५ ते ७५ रुपयांपर्यंत भाडेवाढ होणार आहे. साधी गाडी, शिवशाही या गाड्यांना भाडेवाढ लागू असेल. एसटी महामंडळाने भाडेवाढ तर केली, पण निदान गाडी तरी वेळेवर येऊ द्या, असे म्हणण्याची वेळ प्रवाशांवर आली आहे. कुठलाही त्रास आणि धावपळ टाळण्यासाठी प्रवाशांनी अधिक माहितीसाठी शिवाजीनगर बसस्टँशी संपर्क ( 020 25536641 ) करावा.

Pune Video : पावसाने पुणे – नाशिक महामार्गावर पाणीच पाणी, वाहने अडकल्याने चार किमीपर्यंत रांगा