corona virus, काळजी घ्या! राज्यात करोनाचा संसर्ग पुन्हा वाढण्याची शक्यता; ‘या’ दिवसांत रुग्णवाढीचा अंदाज – omicron covid 19 new variant in india experts said rise of covid cases expected during winters maharashtra

थंडीच्या दिवसांत करोना रुग्णांची संख्या वाढू शकते, असं मुंबईच्या आरोग्य अधिकाऱ्यांनी सांगितलं. मुंबईत इन्फ्ल्यूएंझासारख्या आजारांवरही बारकाईनं लक्ष ठेवलं जात आहे. कारण इन्फ्ल्यूएंझादेखील संसर्गजन्य आजार आहे. तो शिंकण्यामुळे पसरतो. काही जणांना करोनाची लागण झालेली असू शकते. पण ते त्याला साधा सर्दी, खोकला समजू शकतात. यामुळे त्यांनी कोविड चाचणी न केल्यास विषाणू दुसऱ्यांपर्यंत पोहोचू शकतो, अशी भीती अधिकाऱ्यांनी वर्तवली.
ओमायक्रॉनच्या नव्या प्रकाराचा धोका; दिवाळीत अशी घ्या काळजी, मुंबई महापालिकेचे आवाहन
करोना रुग्णांची संख्येतील वाढ गेल्या काही दिवसांपासून पाहायला मिळत आहे. जोपर्यंत कोणताही नवा व्हेरिएंट येत नाही, तोपर्यंत ओमिक्रॉन व्हेरिएंटची संक्रामकता कमी राहील, असं मुंबईत कोविड टास्क फोर्सचे सदस्य राहिलेल्या डॉ. राहुल पंडित यांनी सांगितलं. करोनामुळे घाबरण्याची गरज नाही. मात्र सावधान राहण्याची आवश्यकता आहे. गर्दीच्या ठिकाणी मास्क घालायला हवा. कुटुंबात कोणी आजारी असेल किंवा एखाद्याची रोगप्रतिकारशक्ती कमी असेल, तर त्यांनी मास्क लावावा, असा सल्ला पंडित यांनी दिला.