आज पडवे येथे राणेंच्या हॉस्पिटल अॅण्ड मेडीकल कॉलेजमध्ये ट्रुनॅट मशीनचे आमदार नितेश राणेंच्या हस्ते लोकार्पण करण्यात आले. जिल्ह्यातील या पहिल्याच खासगी तपासणी प्रयोगशाळेमुळे नागरिकांना मोठा दिलासा मिळणार आहे. खासगी डॉक्टरांना याचा होणार उपयोग होणार आहे. याला मान्यता असल्याने शासकीय पातळीवरही येथील रिपोर्ट ग्राह्य मानले जाणार आहेत. यावेळी डॉ. आर. एस. कुलकर्णी, डॉ. मिलिंद कुलकर्णीआदि उपस्थित होते.
सिंधुदुर्ग जिल्ह्यात कोव्हिडची तपासणी करणारी केवळ एकच लॅब सद्यस्थितीत सिव्हिल हॉस्पिटल ओरोस येथे आहे. त्यामुळे सरकारी यंत्रणेतून जाऊन कोव्हिडची तपासणी करून घेणेच शक्य होते. आता सर्वसाधारण टेस्टिंगच्या दरात ही होणार तपासणी आहे.ट्रूनॅट मशिनद्वारे एका तासात रिपोर्ट प्राप्त होऊ शकतो. कोणत्याही व्यक्तीला खासगी डॉक्टरांच्या सल्ल्याने तपासणी करता येणार आहे.
गणेशोत्सवाच्या पार्श्वभूमीवर जिल्ह्यात येणाऱ्या चाकरमान्यांनाही या सुविधेचा फायदा होणार आहे. पडवे हॉस्पिटलमध्ये यापूर्वीही अनेक वैद्यकीय सुविधा केल्या आहेत या व इतर अनेक सुविधांबरोबर आता जिल्ह्यातील नागरिकांसाठी ट्रू नॅट मशीनद्वारा पुन्हा एकदा पडवे हॉस्पिटल कोव्हिड विरुध्दची लढाई लढण्यासाठी झाले आहे.
रत्नागिरी बातमी | Ratnagiri News | Ratnagiri News in Marathi | Ratnagiri Local News – Maharashtra Times
