Maharashtra Politics | सुषमा अंधारे यांनी शिवसेनेत प्रवेश केल्यानंतर त्यांना थेट उपनेतेपद देण्यात आले होते. अत्यंत मुद्देसूद आणि आक्रमकपणे भूमिका मांडणाऱ्या सुषमा अंधारे या ठाकरे गटाची भूमिका प्रभावीपणे मांडत आहेत. संजय राऊत तुरुंगात गेल्यानंतर ठाकरे गटाकडे प्रभावीपणे पक्षाची बाजू मांडू शकणाऱ्या नेत्याची उणीव जाणवत होती. मात्र, सुषमा अंधारे यांनी ही उणीव मोठ्याप्रमाणात भरून काढली आहे.

 

Sushma Andhare Deepali Sayyed
सुषमा अंधारे आणि दीपाली सय्यद

हायलाइट्स:

  • दीपाली सय्यद मागच्या काही दिवसांपासून अचानक शांत झाल्या आहेत
  • सुषमाताई नुकत्याच शिवसेनेत आल्या आहेत
मुंबई: एकनाथ शिंदे यांच्या बंडानंतर ठाकरे गटाची बाजू लावून धरत बंडखोर आमदारांवर तुटून पडलेल्या दीपाली सय्यद याच आता शिंदे गटाच्या वाटेवर असल्याची माहिती समोर आली आहे. दीपाली सय्यद यांना याविषयी विचारणा केली असता त्यांनी आपण सध्या वेट अँड वॉचची भूमिका घेतल्याचे सांगितले. शिंदे गटात जाण्याचा पर्याय दीपाली सय्यद यांनी पूर्णपणे नाकारलेला नाही. त्यामुळे आता दीपाली सय्यद शिंदे गटात जाणार, अशा चर्चांना उधाण आले आहे. कालपर्यंत अत्यंत त्वेषाने ठाकरे गटाची बाजू लावून धरणाऱ्या दीपाली सय्यद यांच्या भूमिकेत अचानक हा बदल कसा झाला, हा प्रश्न अनेकांना पडला आहे. या सगळ्यामागे शिवसेनेत नव्याने उपनेत्या झालेल्या सुषमा अंधारे कारणीभूत असल्याची एक कुजबुज राजकीय वर्तुळात सुरु आहे.

सुषमा अंधारे यांनी शिवसेनेत प्रवेश केल्यानंतर त्यांना थेट उपनेतेपद देण्यात आले होते. अत्यंत मुद्देसूद आणि आक्रमकपणे भूमिका मांडणाऱ्या सुषमा अंधारे या ठाकरे गटाची भूमिका प्रभावीपणे मांडत आहेत. संजय राऊत तुरुंगात गेल्यानंतर ठाकरे गटाकडे प्रभावीपणे पक्षाची बाजू मांडू शकणाऱ्या नेत्याची उणीव जाणवत होती. मात्र, सुषमा अंधारे यांनी ही उणीव मोठ्याप्रमाणात भरून काढली आहे. दसरा मेळाव्यातील त्यांचे भाषण प्रचंड गाजले होते. त्यानंतर शिवसेनेच्या (ठाकरे गट) महाप्रबोधन यात्रेतही सुषमा अंधारे जोरदार भाषणे करताना दिसत आहेत. त्यामुळे सुषमा अंधारे यांच्या झंझावातापुढे ठाकरे गटातील इतर नेते काहीसे झाकोळून गेले आहेत. नेमकी हीच गोष्ट दीपाली सय्यद यांना खटकत असल्याची चर्चा आहे.
तुम्ही आम्हाला हिंदुत्व आणि निष्ठा शिकवणार का? विरोधकांच्या प्रश्नाला अंधारेंचं उत्तर, सभागृहात तुफान टाळ्या
दीपाली सय्यद मागच्या काही दिवसांपासून अचानक शांत झाल्याचे दिसून येत आहे. सय्यद या विरोधकांवर जाहीर टीका करत असल्याने त्यांच्यावर प्रतिस्पर्ध्यांकडून बरीच टीका व्हायची. परंतु, सध्या दीपाली सय्यद कोणतेही राजकीय भाष्य करताना दिसत नाहीत. याविषयी विचारले असता दीपाली सय्यद म्हणाल्या की, ‘मी स्क्रीनवर येऊन तू-तू मै-मै करत नाही. जेव्हा गरज होती तेव्हा मी केली. सुषमाताई नुकत्याच आल्या असून त्यांना आपण शिवसेनेत आल्याचं आणि आपलं अस्तित्व सिद्ध करायचं आहे. शिवसेनेत काम करताना मला आता साडेतीन वर्षं झाली आहेत. स्क्रीनवर येऊन टिप्पणी केली, कुरघोड्या केल्या तरच तुम्ही राजकारणात सक्रीय आहात, असा समज करण्याची गरज नाही. मी कामंही केली पाहिजेत. जी लोक कामं करतात त्यांना पाठिंबा दिला तरच ती पूर्ण होतात, असे वक्तव्य दीपाली सय्यद यांनी केले.
Shivsena: माझ्या जीवाला धोका असल्याचे इनपुटस, पण शिवसैनिक माझ्या बाळाची काळजी घेतील: सुषमा अंधारे
तसेच प्रत्येकजण आपापली मतं मांडत आहेत. प्रत्येकाने आपला गट निर्माण केला आहे. लवकरच माझाही गट दिसेल, असेही दीपाली सय्यद यांनी म्हटले. त्यांच्या या वक्तव्याचा रोख कोणाच्या दिशेने होता, याविषयी चर्चा रंगली आहे. तसेच मी शिवसेनेत असल्याचेही त्यांनी म्हटले होते. त्यावर तुम्ही ठाकरेंच्या शिवसेनेत आहात का, असा प्रश्न सय्यद यांना विचारण्यात आला. तेव्हा मी ‘वेट अँड वॉच’च्या भूमिकेत असल्याचे सांगून दीपाली सय्यद यांनी सस्पेन्स वाढवला आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here