वाचा:
मुंबईत धारावीमध्ये सर्वात दाट लोकवस्ती आहे. त्यामुळेच धारावी झोपडपट्टीत करोनाने शिरकाव केल्यानंतर पालिका आणि सरकार हादरलं होतं. धारावीत वेगाने संसर्ग पसरत असताना येथे संसर्गाची साखळी कशी तोडायची, असा गहन प्रश्न आरोग्य यंत्रणा आणि प्रशासनाला पडला होता. मात्र धारावीकरांनी दाखवलेली अभूतपूर्व अशी स्वयंशिस्त आणि पालिका व सामाजिक संस्थांनी अहोरात्र केलेली मेहनत याच्या जोरावर धारावीने करोनावर नियंत्रण मिळवण्यात यश मिळवलं आहे. धारावीच्या या यशाची थेट जागतिक आरोग्य संघटनेने दखल घेतली. करोनावर नियंत्रण मिळवणाऱ्या देशांसोबतच जागतिक आरोग्य संघटनेने धारावीचं कौतुक केलं. या आनंदाच्या बातमीनंतर धारावीतील लढ्याला अधिकच बळ मिळाल्याचं गेल्या काही दिवसांतील आकडेवारीवरून दिसू लागलं आहे.
वाचा:
आरोग्य विभागाने दिलेला आकडेवारीनुसार, मंगळवारी धारावीत करोनाचे फक्त ११ नवे रुग्ण आढळून आले. त्यासोबतच धारावीतील एकूण रुग्णसंख्या २ हजार ३९२ इतकी झाली आहे. हे आकडे पाहून घाबरण्याचे कोणतेच कारण नाही. कारण यातील केवळ ८६ इतकेच अॅक्टिव्ह रुग्ण आहे. या रुग्णांवर सध्या उपचार सुरू आहेत. बाकी रुग्ण बरे होऊन घरी परतले आहेत. विशेष म्हणजे गेल्या महिनाभरात धारावीत करोना संसर्गाने एकही रुग्ण दगावलेला नाही. धारावीत करोनाचा पहिला रुग्ण १ एप्रिल रोजी आढळला होता.
वाचा:
”चे यश!
धारावीत ” चेस द व्हायरस ” या उपक्रमातून ट्रेसिंग, ट्रॅकिंग, टेस्टिंग आणि ट्रीटींगची संकल्पना चार पातळीवर वेगाने राबविण्यात आली होती. या मोहिमेत ४७ हजार ५०० घरं डॉक्टर आणि खाजगी दवाखान्यामार्फत तपासण्यात आली. ३.६ लाख लोकांचे स्कॅनिंग करण्यात आले. प्रो ॲक्टिव्ह स्क्रीनिंग, फीवर कॅम्प, अर्ली डिटेक्शन, योग्य वेळेत विलगीकरण, सुसज्ज आरोग्य सुविधा आणि कॉरंटाइन सेंटर्स यामुळे साथ नियंत्रण्यात यश मिळाले. धारावीत १४ हजार ९७० लोकांचे मोबाइल व्हॅन द्वारे स्कॅनिंग करण्यात आले. ८२४६ ज्येष्ठ नागरिकांची तपासणी करून सर्व्हे करण्यात आला. १४ हजार लोकांना संस्थात्मक कॉरंटाइन करून त्यांचे विलगीकरण करण्यात आले. त्याचेही चांगले परिणाम दिसून आले.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
