केंद्रीय पेन्शनधारकांना सरकारची भेट, DA नंतर आणखी एका भत्त्यात वाढ, पाहा कोणाला फायदा मिळणारचेतावणी काय आहे
केंद्रीय कर्मचारी सेवेदरम्यान कोणत्याही गंभीर गुन्ह्यात किंवा निष्काळजीपणासाठी दोषी आढळल्यास सेवानिवृत्तीनंतर त्यांची ग्रॅच्युइटी आणि पेन्शन बंद केली जाईल, असे सरकारने एका अधिसूचनेत म्हटले आहे. केंद्रीय नागरी सेवा (पेन्शन) नियम २०२१ अंतर्गत या सूचना जारी करण्यात आल्या आहेत. केंद्र सरकारने अलीकडेच CCS (पेन्शन) नियम २०२१ चा नियम ८ बदलला, ज्यामध्ये या नवीन तरतुदी जोडल्या गेल्या आहेत.
माहिती सर्वांना पाठवली
नियमातील बदलांची माहितीही केंद्र सरकारने सर्व संबंधित अधिकाऱ्यांना पाठवली आहे. दोषी कर्मचाऱ्यांची माहिती मिळाल्यास त्यांचे पेन्शन व ग्रॅच्युईटी थांबविण्याची कारवाई सुरू होईल.
सातव्या वेतन आयोगाची थकबाकी मिळणार; महापालिका कर्मचाऱ्यांना भेट
कोणती कारवाई होणार
हे नियम ७ ऑक्टोबर २०२२ रोजी बदलण्यात आले आहेत. सक्षम अधिकार्‍यांना निवृत्तीवेतन किंवा ग्रॅच्युइटी किंवा अंशत: किंवा पूर्णत: दोषी आढळल्यास रोखण्याचा अधिकार असेल. या कर्मचाऱ्यांवर नोकरीच्या काळात कोणतीही विभागीय किंवा न्यायालयीन कारवाई होत असल्यास त्याची माहिती संबंधित अधिकाऱ्यांना देणे आवश्यक आहे. याशिवाय एखाद्या कर्मचाऱ्याला निवृत्तीनंतर पुन्हा कामावर रुजू करून घेतले, तर त्यालाही हाच नियम लागू होईल.
केंद्रीय कर्मचाऱ्यांची दिवाळी! पगारात होणार मोठी वाढ तर, ‘या’ ४ भत्त्यांतही मिळणार Hike
निवृत्तीनंतर वसुली केली जाईल
जर एखाद्या कर्मचाऱ्याने निवृत्तीनंतर पेन्शन आणि ग्रॅच्युइटीची रक्कम घेतली असेल आणि तो दोषी आढळला तर त्याच्याकडून पेन्शन किंवा ग्रॅच्युइटीची पूर्ण किंवा आंशिक रक्कम वसूल केली जाऊ शकते. तसेच, विभागाला झालेल्या नुकसानीच्या आधारे त्याचे मूल्यांकन केले जाईल. प्राधिकरणाला वाटल्यास कर्मचार्‍यांची पेन्शन किंवा ग्रॅच्युइटी कायमस्वरूपी किंवा काही काळासाठी बंद केली जाऊ शकते.
सुचना द्याव्या लागणार
कोणत्याही प्राधिकरणाला अंतिम आदेश देण्यापूर्वी केंद्रीय लोकसेवा आयोगाकडून सूचना घ्याव्या लागतात. अशा कोणत्याही परिस्थितीत, निवृत्तीवेतन रोखले जाऊ शकते किंवा काढले जाऊ शकते आणि त्यातील किमान रक्कम दरमहा रु. ९००० पेक्षा कमी नसावी, जी नियम ४४ अंतर्गत आधीच विहित केलेली आहे.
