hurun philanthropy list 2022, ना अंबानी, ना अदानी… HCL टेकचे अध्यक्ष सर्वात दानशूर, सहा श्रीमंत व्यक्तींचे दान घटले – shiv nadar overtakes azim premji to become india’s most generous, know how much donation ambani-adani did

अदानी भारतातील सर्वात श्रीमंत, मग अंबानी कितव्या स्थानावर? फोर्ब्स १०० यादीत मोठे फेरबदल
भारताचे सर्वात मोठे दानवीर
एचसीएल टेक्नॉलॉजीजचे संस्थापक शिव नाडर यादीनुसार सर्वात मोठे दानवीर ठरले आहेत. हुरुनच्या दानशूरांच्या यादीत शिव नाडर देशात अव्वल क्रमांकावर आहेत. त्यांनी एका वर्षात १,१६१ कोटी रुपयांची देणगी दिली आहे आणि भारताच्या सर्वात उदार या शीर्षकावर पुन्हा एकदा आपला दावा मजबूत केला आहे.

शिव नाडर यांनी दररोज सरासरी ३ कोटी रुपयांची देणगी दिल्याचा अंदाज आहे. त्याचबरोबर विप्रोचे अझीम प्रेमजी या यादीत दुसऱ्या स्थानावर आहेत. ७७ वर्षीय प्रेमजी यांनी वर्षभरात ४८४ कोटी रुपयांची देणगी दिली.

पहिले व्हिला…आता हवेली; ६ महिन्यात अंबानींनी दुबईत घेतलं दुसरं घर, दशलक्ष डॉलर्समध्ये झाला सौदा
अंबानी तिसऱ्या, अदानी सातव्या
या यादीत रिलायन्स इंडस्ट्रीजचे अध्यक्ष आणि प्रसिद्ध उद्योगपती मुकेश अंबानी तिसऱ्या क्रमांकावर आहेत. तर आदित्य बिर्ला ग्रुपचे कुमार मंगलम बिर्ला चौथ्या स्थानावर आहेत. अंबानींनी ४११ कोटी, तर बिर्ला यांनी २४२ कोटी दान केले आहेत. या यादीत माइंडट्री ग्रुपच्या सुष्मिता आणि सुब्रतो बागची यांनी २१३ कोटी रुपयांची देणगी देत पाचवे स्थान पटकावले आहे.

सिमेंटनंतर अदानींचा आता नवीन क्षेत्रात प्रवेश; आता Jio-एअरटेलशी दोन हात करणार
दुसरीकडे, अदानी समुहाचे गौतम अदानी हे देशातील सर्वात श्रीमंत व्यक्ती असले तरी १९० कोटी रुपयांच्या देणगीसह ते त्यांनी सातव्या क्रमांक पटकावला आहेत. तर झिरोधाचे संस्थापक निखिल कामथ हे सर्वात तरुण रक्तदाता आहेत. त्यांनी आपल्या देणगीत ३०० टक्क्यांहून अधिक वाढ केली आहे आणि एका वर्षात १०० कोटी रुपयांची देणगी दिली आहे.

इन्फोसिसशी संबंधित देणगीदार
आयटी कंपनी इन्फोसिसशी संबंधित नंदन नीलेकणी, क्रिस गोपालकृष्णन आणि एसडी शिबुलाल यांनी चॅरिटीसाठी अनुक्रमे १५९ कोटी, ९० कोटी आणि ३५ कोटी रुपये खर्च केले आहेत. ते क्रमवारीत अनुक्रमे ९व्या, १६व्या आणि २८व्या क्रमांकावर आहेत.