Maharashtra Politics | भाजपचे प्रदेशाध्यक्ष चंद्रशेखर बावनकुळे यांनी पदभार स्वीकारतात मविआवर सडकून टीका सुरू केली होती. बावनकुळे हे प्रत्येक कार्यक्रमाला आक्रमक वक्तव्यं करुन मविआच्या नेत्यांना डिवचत आहेत. साकोल्यात काँग्रेसचा पंजा थांबवायचा आहे, बारामती मध्ये राष्ट्रवादीच घड्याळ बंद पाडायचं, आणि वरळी मध्ये समुद्राच्या पाण्याने मशाल विझवायची आहे. त्याचसोबत २०२४ ला बारामतीत घड्याळ बंद पाडायचे, अशा आशयाची अनेक वक्तव्यं बावनकुळे यांनी गेल्या काही दिवसांमध्ये केली आहेत.
हायलाइट्स:
- राष्ट्रवादी काँग्रेसचा बालेकिल्ला असलेल्या खेड आळंदी विधानसभा मतदारसंघावर भाजपची नजर
- २०२४मध्ये घड्याळ बंद पाडायचे, म्हणजे बारामती बंद होईल
भाजपचे प्रदेशाध्यक्ष चंद्रशेखर बावनकुळे यांनी पदभार स्वीकारतात मविआवर सडकून टीका सुरू केली होती. बावनकुळे हे प्रत्येक कार्यक्रमाला आक्रमक वक्तव्यं करुन मविआच्या नेत्यांना डिवचत आहेत. साकोल्यात काँग्रेसचा पंजा थांबवायचा आहे, बारामती मध्ये राष्ट्रवादीच घड्याळ बंद पाडायचं, आणि वरळी मध्ये समुद्राच्या पाण्याने मशाल विझवायची आहे. त्याचसोबत २०२४ ला बारामतीत घड्याळ बंद पाडायचे, अशा आशयाची अनेक वक्तव्यं बावनकुळे यांनी गेल्या काही दिवसांमध्ये केली आहेत. त्याला प्रत्युत्तर म्हणून काँग्रेसच्या रोहन सुरवसे यांनी या दिवाळीला बावनुकळे यांना भेट म्हणून खुळखुळे दिले आहेत.
यासंदर्भात प्रसारमाध्यमांशी संवाद साधताना रोहन सुरवसे म्हणाले की, चंद्रशेखर बावनकुळे यांचे विधान मोठी असतात, पण ते करत काहीच नाही. त्यासोबत ते महाविकास आघाडीच्या ज्येष्ठ नेत्यांवर सडकून टीका करत आहे. या सगळ्या गोष्टी पाहता त्यांनी थोडं तारतम्य बाळगावे.त्यांनी बोलताना विचार करावा. राजकारणात एखादी गोष्ट बोलली की ती पूर्ण करणं लहान मुलांचा खेळ नाही. परंतु चंद्रशेखर बावनकुळे ते खेळ समजून अशाप्रकारची विधानं करत असतील म्हणून त्यांना आम्ही खुळखुळे भेट देत असल्याचे सुरवसे यांनी सांगितले.
वरळीच्या समुद्रातल्या पाण्याने मशाल विझवायची, बारामतीत घड्याळ-साकोलीत पंजा थांबवायचा : बावनकुळे
बावनकुळेंची शरद पवारांवर टीका
पुण्याच्या ग्रामीण भागातील राष्ट्रवादी काँग्रेसचा बालेकिल्ला असलेल्या खेड आळंदी विधानसभा मतदार संघात भाजपाने लक्ष घालण्यास सुरुवात केली आहे. पक्षाला बळकटी देण्यासाठी कार्यकर्ता मेळावा घेत, राष्ट्रवादी काँग्रेसला खिंडार पाडले होते. २०२४मध्ये घड्याळ बंद पाडायचे, म्हणजे बारामती बंद होईल, अशी टीका भाजपचे प्रदेशाध्यक्ष चंद्रशेखर बावनकुळे यांनी लगावला होता.
कन्हेरी मंदिरात नारळ फोडला, पवार ५५ वर्ष हरले नाहीत, त्याच मंदिरात बावनकुळे जाणार, ‘बारामती मिशन’ला सुरुवात
राष्ट्रवादी काँग्रेसचे नेते आणि कात्रज दुध संघाचे माजी संचालक शेखर शेटे,खेड पंचायत समितीचे माजी सभापती कल्पना गवारी, माजी आमदार नारायण पवार यांची मुलगी प्रिया पवार यांनी भाजपमध्ये प्रवेश केला होता. या कार्यक्रमात बोलताना चंद्रशेखर बावनकुळे यांनी शरद पवार यांच्यावर टीकास्त्र सोडले होते. आम्ही राष्ट्रवादी काँग्रेसच्या बालेकिल्ल्याला खिंडार पाडले आहे. आजचा आवाज सिल्वर ओकवर जाणार असा टोलाही बानवकुळेंनी लगावला होता.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
