नातेवाईक, मित्र परिवार राजन यांना श्रद्धांजली देत असताना एक माकड त्यांच्या मृतदेहाजवळ येऊन बसलं. त्यामुळे राजन यांच्या नातेवाईकांना आश्चर्याचा धक्काच बसला. राजन दररोज या माकडाला खायला द्यायचे. त्याची काळजी घ्यायचे. त्यामुळे राजन आणि माकडाची मैत्री झाली. त्यांच्यात एक नातं निर्माण झालं. त्याच जिव्हाळ्यापोटी माकड राजन यांच्या मृतदेहाशेजारी बसलं. ते तिथून हलतच नव्हतं.
भयंकर! दलित तरुणाला मारहाण; अर्धी मिशी कापली; तोंडाला काळं फासलं, बाजारात फिरवलं
राजन यांचा श्वास सुरू आहे का ते माकडानं तपासून पाहिलं. आपला कान त्यांच्या छातीला लावला. माकडानं राजन यांना जीव लावला होता. माकडाचं प्रेम पाहून तिथे उपस्थित असलेले सारेच गहिवरले. आपली काळजी घेणारा माणूस आपल्याला सोडून निघून गेलाय याची कल्पना माकडाला आली. माकड एकटक राजन यांच्या निष्प्राण देहाकडे पाहत होतं. त्यांच्या चेहऱ्यावर अलगद हात फिरवत होतं. राजन आणि माकड यांचं हे नातं पाहून तिथले सारेच हेलावून गेले.
