संजय राऊत यांना पत्राचाळ गैरव्यवहार प्रकरणात ३१ जुलै रोजी अटक करण्यात आली. त्यानंतर पोलिस कोठडी आणि नंतर त्यांची रवानगी न्यायालयीन कोठडीत झाली. सुरुवातीपासूनच राऊतांचा या घोटाळ्याशी कसलाही संबंध नाही, असा युक्तिवाद त्यांच्या वकिलांनी केलाय. तर राऊत हेच या घोटाळ्याचे मुख्य सूत्रधार कसे आहेत, हे ईडीचे वकिल कोर्टाला पटवून देत आहेत.
हायलाइट्स:
- खासदार संजय राऊतांची दिवाळी तुरुंगातच जाणार
- राऊतांच्या जामीन अर्जावर २ नोव्हेंबरला सुनावणी
- संजय राऊत सध्या आर्थर रोड कारागृहात
संजय राऊत यांना पत्राचाळ गैरव्यवहार प्रकरणात ३१ जुलै रोजी अटक करण्यात आली. त्यानंतर पोलिस कोठडी आणि नंतर त्यांची रवानगी न्यायालयीन कोठडीत झाली. सुरुवातीपासूनच राऊतांचा या घोटाळ्याशी कसलाही संबंध नाही, असा युक्तिवाद त्यांच्या वकिलांनी केलाय. तर राऊत हेच या घोटाळ्याचे मुख्य सूत्रधार कसे आहेत, हे ईडीचे वकिल कोर्टाला पटवून देत आहेत. दरम्यान, ७ सप्टेंबर रोजी राऊतांनी विशेष पीएमएलए कोर्टात जामीनासाठी अर्ज केला. मात्र तेव्हापासून कोर्टाची तारीख पे तारीख सुरु आहे. राऊतांना दिलासा मिळताना दिसत नाहीये. राऊतांच्या जामीन अर्जावर ११ ऑक्टोबरला सुनावणी झाली होती. मात्र, वेळेअभावी त्यांचा युक्तिवाद पूर्णपण होऊ शकला नव्हता. त्यामुळं सुनावणी 17 ऑक्टोबरला घेण्याचे सांगितले होते. मात्र, पुन्हा एक दिवसाने सुनावणी पुढे ढकलत १८ ऑक्टोबरला घेण्याचा निर्णय घेतला होता. ती ही सुनावणी पूर्ण होऊ शकलेली नव्हती. आज पुन्हा सुनावणी झाली. पण ईडीच्या वकिलांच्या युक्तिवादाची नोंद घेत न्यायालयाने राऊतांच्या जामीन अर्जावर २ नोव्हेंबरला सुनावणी घेणार असल्याचं स्पष्ट केलं.
पत्राचाळ घोटाळा प्रकरणी शिवसेना खासदार संजय राऊत यांचा सहभाग असल्याचा आरोप ईडीने केला. संजय राऊत यांचे बंधू प्रविण राऊत हे पत्राचाळ विकासाचे काम पाहत होते. त्यांना एचडीआयएल मिळालेल्या ११२ कोटी रुपयांपैकी १.०६ कोटी रुपये हे संजय राऊत यांच्या पत्नी वर्षा राऊत यांच्या खात्यावर पाठवण्यात आल्याचा आरोप ईडीने केला आहे. याशिवाय, संजय राऊत यांच्या परिवाराला पत्राचाळ आर्थिक गैरव्यवहारात थेट आर्थिक फायदा झाला आहे. संजय राऊत हेच खरे या घोटाळ्याचे आरोपी असल्याचा आरोप ईडीने केला आहे. तर हे सगळे आरोप राऊतांच्या वकिलांनी फेटाळून लावले आहेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
