विराट कोहली त्याच्या आक्रमक स्वभावासाठी ओळखला जातो. याच स्वभावामुळे काही वेळा वादही झाले. ऑस्ट्रेलियात सराव करत असलेल्या कोहलीमागे चाहत्यांनी आरडाओरडा सुरू केला. त्यामुळे विराटला फलंदाजीवर लक्ष केंद्रित करता येईना. अखेर कोहली मागे वळला. आवाज करू नका. माझं लक्षव विचलित होतंय, असं कोहलीनं अतिशय शांतपणे चाहत्यांना सांगितलं.
है तय्यार हम! शाहीन आफ्रिदीचा सामना करण्यासाठी रोहितचा खास प्लॅन, Photo आला समोर
विराटचं म्हणणं चाहत्यांनी ऐकलं. ‘ओके भाई. तुम्ही रिलॅक्स असाल तेव्हा बोलू. किंग तर एकच आहे ना. आम्ही आमच्या किंगसाठी बोलणारच. किंग आहे म्हणून बोलणार,’ असं म्हणत चाहते तिथून निघाले. यानंतर विराटचा सराव सुरुच राहिला. रविवारी पाकिस्तानविरुद्ध होणाऱ्या सामन्यातील विराटच्या कामगिरीकडे सगळ्यांचं लक्ष लागलं आहे.
२३ ऑक्टोबरला मेलबर्नमध्ये भारत वि. पाकिस्तान सामना होईल. गेल्या विश्वचषकात पाकिस्ताननं भारताचा १० गडी राखून पराभव केला होता. भारताची आघाडीची फळी शाहीन शाह आफ्रिदीनं उद्ध्वस्त केली होती. त्यामुळे भारताला मोठी धावसंख्या उभारता आली नाही. पाकिस्तानच्या सलामीच्या जोडीनं नाबाद राहत लक्ष्य गाठलं. या दारुण पराभवाचा बदला घेण्यासाठी भारतीय संघ सज्ज झाला आहे.
